المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : تجمع الجزائريات المتأخرات في الحمل


الصفحات : 1 [2] 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90

manou10
16-05-2009, 04:53 PM
السلام عليكم ورحمة الله وبركاته الحمد لله للقيت تجمع للجزئريات..............ربى يرزقكم كامل بالدرارى انا عمرى31 و زوجى33 و رزقنا ببنت والحمد لله بعد رحلة من الادوية لان زوجى عنده مشكلة oligoasthenospermie severe الان بنتى عندها عامين و نصف وحابة نزيد درارى بصح ...........ما كان والو..حبيت نسقسى انا حابة ندير تلقيح اصطناعى بصح تشوكيت ماكاش وحدة قالت درتها ونجحت انا ساكنة فى وهران ونحوس على clinique مليح باش نروح نتبع عندهم كاش وهرانية تساعدنى اكون لها شاكرة

daktari18
16-05-2009, 06:07 PM
السلام عليكم ورحمة الله وبركاته

اهلا الاخت manou10 ربي يعيشلك بنتك ويباركلك فيها اختي عمرك ما تفقدي الامل انا وحدة من لي دارو تلقيح اصطناعي ومانجحتش العملية درتها لاول مرة بصح كاين لداروها في نفس الوقت معايا و نجحتلهم لاول مرة انا من جيجل و زوجي من وهران و درتها في كلينيك ابن رشد بقسنطينة و كاينة تاني الفرابي في عنابة و تاني عندكم في وهران قالولي كاين كلينيك مليحة

wasaya
16-05-2009, 09:54 PM
السلام عليكم ورحمة الله وبركاته

أختي الوهرانية راهي كاينة عندكم كلينيك المولود مليحة أنا في سطيف سمعت بيها نعرف بزاف نلس دارو فيها تلقيح و نجحلهم ربي يكون معاك

و زيدي سقسي عليها و رديلي لخبر

daktari18
17-05-2009, 12:23 AM
السلام عليكم ورحمة الله وبركاته

اهلا اختيkarim25 واش احوالك :good:goodانشاءالله لاباس طولتي الغيبة كاين جديد و لا لالاhttp://www.tabeebe.com/vb/images/smilies/004.gif

karima25
17-05-2009, 12:26 AM
السلام عليكم ورحمة الله وبركاته
وشراااااااااكم يا حبيباتي
و الله راني توحشتكم بزااااااااااااااااااااااف
و ما حكمتني عليكم غير الضروف و مشاغل الحياة
و الله راي فرحانة اللي لقيت عضوات جدد معانا في تجمعنا
و الحمد لله ان التجمع عاود حيا من جديد
ربي يفرحنا بيكم وحدة وحدة
و ان شاء الله الاخت ندى تدخل و تبشرنا بحملها و تكون اول وحدة نطردوها من تجمع الجزائريات المنتظرات الحمل يااااااا رب
اختي مانو10 مرحبا بيك و متشرفين بيك و بناس وهران الباهية ان شاء الله نربحو على بعضنا و نحملو
اختي وصايا
ربي يعوض عليك و يرزقك من جديد بولد او بنت صحيحين و معافين يا جارتي السطافية ...انا من قسنطينة
و باقي لبنات وشراكم يا الغاليات ؟؟؟كللللللللكم
اختي سمرا راكي طولتي الغيبة وينك؟؟؟ان شاء الله المانع خير يا رب
اختي ندى راني نستنا فيك وينك وين غيبتي
انا نخمم نعمل تلقيح اصطناعي لخاطر المجهري غالي بزاف و نجربو الاول بلاك ربي يكتبلنا الخير فيه
بصح ماشي هذا الشهر كاشي في جويلية او اوت ان شاء الله و ان كان في العمر بقية
عيادة ابن رشد مشهورة بزاف بهذا العمليات
و الفرابي تاني في عنابة
ربي يرزقنا اجمعين يا رب العالمين

karima25
17-05-2009, 12:29 AM
اهلالالالالالالالالالا اختي داكتاري
الله لا يغيبك يا اختي لعزيزة
و ريمة راهي مازالت في عادتها لقديمة
ماكان حتى جديد رانا بالقديم بصح مسيرج هههههههههه
ان شاء الله الشهر لجاي بلاك ربي يجيب الخير
و انت واش خبارك ؟؟؟كاش جديد

daktari18
17-05-2009, 12:44 AM
السلام عليكم ورحمة الله وبركاته

كيما قلتي اختي كريمة ماكانش جديد هدى الساعة بصح كيما تعرفي الانسان ديما يتمنى هدى المرة شوية نسيت همي خاطر اختي هدي المرة ولدت طفيل

بوبون سماتو { ايـــــــــــــوب } دعي معايا اختي ربي يعيشهولها و الله ملا علينا الدنيا

daktari18
17-05-2009, 12:49 AM
رنا بعتنالكم البارح السلام مع لtrainنتاع جيجل -------------- قسنطينة وصلكم ههههههههههههههههه

daktari18
17-05-2009, 12:56 AM
ختي كريمة شوى كوراج واعملي العملية و ربي ينجحالك انا درت اللتلقيح الاصطناعي في ابن رشد و بلاك لمكتبش ربي في هادو لشهور حمل طبيعي نعاود عملية

ثانية بعد رمضان هدا هو سي بكري لعمر او يمشي

karima25
17-05-2009, 12:57 AM
اللللللللللللف مبروك عليكم ايوب
ربي يعيشهولكم و لعقوبة تشوفوه عريس يا رب
و لعقوبة لينا حنا تاني ربي يرزقنا عاجلا غير اجل يا رب
و انت قداش عندك و انت تستناي الحمل .؟؟؟
وش هو سبب تاخرك ؟؟

karima25
17-05-2009, 12:59 AM
و الله عندك حق
انا هذا الشهر فات الحال بصح الشهورة الجايين نعملو حسابنا و نصدرو ثمن العملية و نعملها قبل رمضان باذن الله تعالى
و ربي يكتبلنا اللي فيه الخير يا رب

daktari18
17-05-2009, 05:44 PM
اختي كريمة انا عندي 8سنين زواج بصح لضروف خاصة بالزوج و عدم استقراره حتى بديت نداوي في اوت 2007 عند الدكتور { بن حلولو } طبيب استاد مساعد

فتح عيادته جديدة في جيجل هو جيجلي بصح كان يخدم في المستشفى عندكم في قسنطينة جاء الجيجل في جوان 2007 بعد ما شافنا التحاليل قالي عندي ضعف

فالتبويض و كانت الدورة الشهرية ممرقلياش و عندي شوية جفاف manque de la glaire بديت ناخد في كلوميد و الابرة التفجيرية + اوفستان كل شهر وبعد رتحت

7 اشهر و مبعد مارجعت عندو اقترح علينا التلقيح الاصطناعي برمجنالو و عملت في مارس 2009 في ابن رشد العملية وحدها بلا دواء 15000.00دج.

karima25
17-05-2009, 07:20 PM
يعني يا اختي داكتاري الكلوميد و الاوفيستان كل شهر ما يضروش ؟؟؟سمعت بلي يديرو التكيس للمبيض ؟؟؟
و احنا رحنا لابن رشد و قالونا كلشي 22 مليون و الاصطناعي ب 3 ملاين
و الله احترنا ......و الشىء اللي مخليني محيرة انو عندنا مشاكل و شاغلتنا ماناش هانيين ......باقيين غير نتبعو في المشاكل و ناسيين رواحنا بلي العمر يجري و كل شهر يفوت ما يوليش
ان شاء الله ربي يرزقنا توام على التاخر اللي تاخرناه و يعوضنا خير يا رب
و انت كيفاش عرفتي باللي التبويض عندك ضعيف؟؟؟
انا سمعت اللي عندها دم الدورة قليل هذا يدل على ضعف التبويض عندها ؟؟يعني صح؟؟؟
انا نداوي عند بن معمر في قسنطينة ....طبيب عندو خبرة قديمة و يعمل عمليات التلقيح في ابن رشد مع الدكتور بلحاج على ما اضن ...و لقيت وحدة من جيجل تجي تبع عندو ....
و الله كي يرزق ربي ما تدريش على يد من
ربي يرزقنا عاجلا غير اجل يا رب

manou10
18-05-2009, 02:21 PM
السلام عليكم ورحمة الله وبركاته شكرالكم يا الجزائريات انا راح نسقسى نشاء الله على كلينيك المولودو نردلكم .......مع العلم انا ماشى وهرانية ساكنة برك و ماعنديش بزاف فى وهران على هاده مانعرفش وهران مليح.....انا سكيكدية و راجلى عنابى.... كاين فى عنابة الفرابى مليحة بصح راجلى يخدم فى وهران و مايكونش فى عنابة بزاف..........نشاء الله يرزقنابالاطفال و سلام

ام زين الدين
19-05-2009, 02:37 PM
ان شاء الله يرزق كل من اشتاقت الى كلمة ماما يارب

daktari18
19-05-2009, 03:03 PM
بسم الله الرحمن الرحيم

الف شكر اختنا ام زين الدين على هدي الدعوة و الله رانا مشتاقين لهدي الكلمـة بزاف و

ربي يصبرنا و يرزقنا قادر يا كريم

karima25
19-05-2009, 09:44 PM
ما جاوبتينيش اختي داكتاري ؟؟
راني نستنى فيك
الكلوميد كل شهر يضر المبايض و لا كيفاش؟؟

daktari18
19-05-2009, 10:09 PM
السلام عليكم ورحمة الله وبركاته

امساء الخير اختي كريمة اليوم والله السخانة بزاف عندنا روحنا للبحر هدي لعشية هدا وين دخلت سامحيني على التاخير بالنسبة للكلوميد الطبيب هو لكا يوصفهولي

و ما قالي والو عليه و بقيت نشرب فيه كل شهر بلاك فايت 8 اشهر و انا لطلبت من الطبيب نرتح شوية من الدواء و انت شحال و انت تشربي فيه ؟ و انت تاني

عندك ضعف التبويض ؟ انا لو كان تاخدي بالراي ديالي الى كان موالف تاخدي الدواء كل شهر رتحي شوية و خلي كلش طبيعي حتى قرري انك تعمل التلقيح .

daktari18
19-05-2009, 10:22 PM
السلام عليكم ورحمة الله وبركاته

اختي كريمة احنا اليوم عندنا السخانة بزاف روحنا للبحر هاد لعشية هدا وين دخلنا بالنسبة للكلوميد قعدت ناخد فيه كل شهر بلاك فايت 8 اشهور و الطبيب مقالي والو

عليه وانا لطلبت منو نرتح شوية من الدوا و نخلي كلش طبيعي رتحت 7 اشهور و بعد عـاودت شربت شهر مع الابرة و كيمكان والو درت عملية التلقيح و انت شحال و

انت شربي فيه ؟ انت تاني عندك ضعف فالتبويض ؟ لوكان تاخدي راي ديالي رتحي شوية و ختي كلش طبيعي حتى تقرري تعملي التلقيح .

manou10
20-05-2009, 04:26 PM
السلام عليكم ورحمة الله وبركاته

امساء الخير اختي كريمة اليوم والله السخانة بزاف عندنا روحنا للبحر هدي لعشية هدا وين دخلت سامحيني على التاخير بالنسبة للكلوميد الطبيب هو لكا يوصفهولي

و ما قالي والو عليه و بقيت نشرب فيه كل شهر بلاك فايت 8 اشهر و انا لطلبت من الطبيب نرتح شوية من الدواء و انت شحال و انت تشربي فيه ؟ و انت تاني

عندك ضعف التبويض ؟ انا لو كان تاخدي بالراي ديالي الى كان موالف تاخدي الدواء كل شهر رتحي شوية و خلي كلش طبيعي حتى قرري انك تعمل التلقيح .

السلام عليكم ورحمة الله وبركاته انا كنت عند واحد الطبيب نتبع قبل ما نجيب بنتى قالى كلوميد بزاف يدير كيسث كان يعطهولى بصح ماشى بزاف 8 شهر بزاف والله اعلم اختى اقراى la notuce و شوفى واش مكتوب فيها اتمنى ترفدى طبيعى يا رب

daktari18
20-05-2009, 10:08 PM
السلام عليكم ورحمة الله وبركاته

كي راكي اختي manou كيراهم ناس وهران توحشناكم راكي توحسي فيها ناسها بزاف ملاح من عشرتي ليهم . انا درت L'estéro و الحمد لله ملقاو عندي والو و

صح فلا نوتيس مكتوبة و كهدرت مع الطبيب قتي ديري هدي لراديو و طمني و الحمد لله كلش لاباس

daktari18
20-05-2009, 10:22 PM
اختي مانو هدا الشهر كيقريت في هدا المنتدى و لقيت ان القرنفل مليح للحمل بديت

نشرب فيه بعد مارحيتو مع الحليب و العسل كل ما نجي نرقد و ربي يكون لفيه الخير ليا وليكم

كيراهي البنوتة نتاعك ؟ ربي يعيشهالك

karima25
21-05-2009, 11:03 AM
السلام عليكم ورحمة الله وبركاته
اختي aktari18
بارك الله فيك عالمعلومة
و كيما قالت الاخت manou سمعت بلي يدير الكيست في المبايض و رالني خايفة منو
ربي يستر و ربي يجيب لنا الخير يا رب
انا شربتو في فترات متباعدة ماشي كل شهر
و الله تعبنا ربي يفرج علينا يا رب
و صح عليك البحر اختي داكتاري
سخفتيني و توحشت جيجل....تفكرت العوانة و زيمة منصورية و روشي نوار ...و القرون فار ...الخ.....الصيف اللي فات عقبنا 15 يوم في زيامة ...رووووعة......بالصح هذا العام ما نضنش نروحولها ....ربي يعلم
و انت من اي مقاطعة بالضبط في جيجل؟؟؟

daktari18
21-05-2009, 02:47 PM
السلام عليكم ورحمة الله وبركاته

صباح الخير نزفهالك مع نسيم البحر الجيجلي انا اختي كريمة لكان تعرفي بحر كتامة و باخرة بابا عروج انا جارتهم . بصح روحنا بحرنا في روشي نوار هدا العام

العوانة فيها اشغال نتاع le port و ان شاء الله لكان جيتو هدا العام نتعارفو كثر على بعضانا .

ارجو عفوك يا ربي
21-05-2009, 08:30 PM
السلام عليكم ورحمة الله وبركاته

مساء الخير عليكم خواتاتي

كيدايرين نتمنى تكونو بخير

في الحقيقة انا اختكم في الله مغربية، غير من محبتي للاخوات الجزائريات، حقاش عندي صديقات
ماشاء الله فتبارك الله ،الله يعمرها دار، من خيرة الناس
باقي لدروك تنتواصل معاهم،واخى افترقنا ،صراحة فوت معاهم ايام الله يبارك

انا دخلت نسلم عليكم برك، ونتمنى تقبلوني صديقة ليكم،واخى انا ماعندي فاش غادي نفيدك بالنسبة للتجارب ديال المستشفيات بالجزائر
غير تنعاني كيف تتعانو ،ربي كبير وقادر يرزقنا اجمعين

نتمنى مانكوش ثقلت عليكم،او ضيقت عليكم

سمحولي بزاف، وتقبلو تحياتي واحتراماتي

daktari18
21-05-2009, 10:25 PM
السلام عليكم ورحمة الله وبركاته

اهلا وسهلا اختنا المغربية و مرحبا بيك معنا ماكيش غريبة راكي وسط اهلك و انا شخصيا كنحماق على المغربيات و على هدرتكم و الطبخ نتاعكم و غناكم و ان شاء ا

الله نكونو خواتات في هدا التجمع و نحكيو على معاناتنا باش ننساو شوية و ربي يرزقنا و يرزقك الدرية الطيبة امــــــــــــين.

samra05
21-05-2009, 11:14 PM
السلام عليكم ورحمة الله وبركاته والله وحشتوني بنات بلادي اختي كريمه وديكاتري شكرا علي سؤالكم علي كومبيوتر كان معطل والله انا مريت بتجربه صعبه والله بذراع لتنحي عليا كنت راح نههبل انا صراحه معنديش صبر بس والله ذرك الحمد لله وشكر له وانا ناويه عند نزول دوره نرجع اجنه مجمده دعولي بنات بلادي والله نحتاجكم تكونو معايا شكرا والله علي سؤالكم علي

samra05
21-05-2009, 11:16 PM
متشرفين بيك اختي ارجو عفوك ياربي مرحبا بيك مع اخواتك الجزائريات ان شاء الله نربحو علي بعضنا معرفت خير ان شاء الله

samra05
21-05-2009, 11:18 PM
وشراهي بلادي والله توحشتها بزاف اختي كريمه سلملي علي بلادي هي حبي وعينيا سالولي عليها بزاف الغربه واعره بزاف

daktari18
21-05-2009, 11:41 PM
السلام عليكم ورحمة الله وبركاته

اهلالالالالالالالالا اختي سمرا و الله صدقني توحشناك واش خبارك المهم الصحة و البلاد ايتسال عليك بزاف و ياربي يخفف عليك محان الغربة .

اختي سمرا انت تخدمي ولا لالا؟

karima25
21-05-2009, 11:52 PM
السلام عليكم ورحمة الله وبركاته
مساء الخير على بنات بلادي الحبيبات
اختي سمرا رانا توحشناك بزااااااااف و قريب حطيت عليك في "كل شىء ممكن"
الحمد لله راكي بخير و المانع كان خير و يا ربي هذا المرة تنجح معاك الترجيع و تحملي و تفرحينا ياااااااااااااااااااا ربي يرزقك و يرزقني و كل البنات يا رب
و ما تزيديش تهربي علينا
ادخلي كل ليلة تلقايني ان شاء الله
هذا وين يطيرلي الكمبيوتر مع راجلي دايما حاكمو يخدم عليه
الحمد لله على سلامتك حنونتي سمرا

karima25
21-05-2009, 11:54 PM
اختي المغربية
اهلا و سهلا بيك معانا و راكي مع خواتاتك الجزايريات
و احنا جيران ...ماناش غرباء
و يا ربي يرزقك و يرزقنا اجمعين يا رب العاليمن
مرحبا بيك معانا و تشرفنا بمعريفتك

karima25
21-05-2009, 11:59 PM
اختي Daktari18
نعرف مليح جيجل
نعرف بحر كتامة ...و فندق كتامة و بابور بابا عروج و النافورات اللي قدام محطة الحافلات ووو
و عندي عمي يسكن في بازول ...في العمارات تاع سكة الحديد ...شومان د فار chemain de faire ...
ان شاء الله كون نجي هذا الصيفة نتلاقاو و نتعرفو على بعض اكثر يا رب
توحشت جيجل بزااااااااف

karima25
22-05-2009, 12:13 AM
وينك يا ندى72
ان شاء الله تدخل و تطمنا عليها واش مدايرة

samra05
22-05-2009, 01:59 AM
راني كنت نخدم في دار العجزه يعني ممرضه بس ذرك راني عندي شهرين من حبست راني نخمم نرجع بس ممكن نستني حتي نرجع الاجنه ونشوف واش راح يكتبلي ربي علباللك لازم نكون مرتاحه ومنخدمش كي نرجع الاجنه

samra05
22-05-2009, 12:58 PM
صباح الخير يا بنات بلادي شو اخباركم ان شاء الله تكونو لباس

daktari18
22-05-2009, 02:53 PM
السلام عليكم ورحمة الله وبركاته


ان شاء الله الجميع بخيـــــــــــــــــــــــــــــــــــــــــــــــ ــــــــــــــــــر

ندى72
22-05-2009, 03:41 PM
وعليكم السلام ورحمة الله وبركاته
واش راكم يابنات ان شاء الله تكونو بخير يااارب
شكرا اختي كريمة للسوئلك عني وجزاك الله كل خير
اما عن اخباري
قدرا الله وماشاء فعل
اللهم اجرني في مصيبتي واخلفني خير منها يارب
كما تعرفون عملت عملية تلقيح مجهري وفي اليوم التاسع من الارجاع بدائت تنزل معي افرزات بنية اكرمك الله فقلة في نفسي انا العملية فشلة
فعملت تحليل الحمل يوم 12 من الارجاع وكانت المفاجئة كبيرة بالنسبة لي
حيت اضهرت التحليل انني حامل والنسبة 73 والحمد للله وبعد اربع ايام اعادت التحليل ودلك في اليوم 16من الاجاع والحمد لله النسبة ارتفعت الي
323 والحمد لله فكلمنا الطبيب فقال لي ان ادهب عندها في دالك الامسية ودهبنا اليه وعملي سونار مهبلي وقال لي ان هناك كيس صغير جدا وكداك ام حجرة دم او كيس اخرى وقال لي ان ارجع اليه يوم 21 من الارجاع لكي يعمل لي سونار اخرى ويعمل لي ملف الحمل الخاص بي ولكن بقيت تنزل معي الافرزات مع قليل من الدم اكرمكم الله
ولم رجعت له البارح وياليتني لم ارجع وعملي السونار قال لي انا الكيس بداء في الانكماش وسوفا ينكمش وسوف يحصل لكي اجهاض
وقال لي ان عيد تحليل هرمون الحمل يوم السبت للتاكد وكدلكلكي اقف المتبت
والله اكتب وربي يعلم مافي قلبي ودموعي تنزل كا المطر
اسمحولي حبيبتي ان **رتلكم راسكم بقصتي والله معندي غير انتم وربي باش نشكيلكم ربي يصبرني انا وراجلي ويصبر كل محروم ياااارب
:cry: :cry: :cry:
ادعيولي يكون الطبيب مخطىء والتحليل يزيد يرتفع ياااااارب

yarubyarubyarub

samra05
22-05-2009, 04:37 PM
الحمد لله علي كل حال اختي ندي اننا لما عملت تلقيح مره اولي حصل معي هكذا وانخفض هرمون واجهضت والحمد لله ان شاء يثبت ربي حمللك ومايكون غير خير ان شاء الله ماتجهضيش ويرزقكك ربي ونفرحو بيك ماتبكيش اختي العزيزه والله انا حاسه بيك لاني مررت بنقس موقف بعد ماقلت خلاص راني حامل اجهضت والله غلبالي احساس صعيب بس ان شاء الله يربي يعوضك يارب يرتفع الهرمون يارب يارب يارب يارب

daktari18
22-05-2009, 04:51 PM
السلام عليكم ورحمة الله وبركاته

اختي ندى ربي يكون لفيه الخير علبالي شيء صعيب بصح نحمد ربي على كل شيء وشوية كوراج ليك و راجلك و ربي يصبركم و يسمعكم الخير

daktari18
22-05-2009, 05:57 PM
بسم الله الرحمن الرحيم ياإله البشر ويا عظيم الخطر ويامعروف الأ ثر ويا سريع الظفر ويا عزيزالمن ويا واسع المغفرة ويامالك يوم الدين إياك نعبد وإياك نستعين

برحمتك يا أرحم الراحمين ان ترزقني و اخواتي المحرومات الدرية الطيبة

ارجو عفوك يا ربي
22-05-2009, 08:06 PM
السلام عليكم ورحمة الله وبركاته

كيراكم البنات ،نتمنى تكونو بخير، شكرا بزااااااف على ترحيب، اكيد مش حاجة غريبة، بنات الجزائر الله يبارك ،والله فرحت بمعرفتكم ،ربي ينولكم واش في خاطركم


dakiri18 : مرسي حنونة على ترحيب، ترحب بيك الجنة، ربي يرزقنا اجمعين

samara05: الله يسخر لك حنونة ،وترجعي اجنة مجمدة ويثبث الحمل ديالك حبيبتي

karima25: مرسي حنونة، بارك الله فيك اختي على ترحيب، ربي يرزقنا اجمعين

ندى72: والله قطعتي قلبي بحكايتك، يارب يا ممسك السماء عن الارض ان تمسك اجنة اختنا ندى وتثبث حملها، وتعوضها خيرا عن صبرها ،انك على كل شئ قدير



نعرفكم على روحي ، انا متزوجة من 4 سنوات ،ساكنة بجدة بالسعودية حقاش راجلي يخدم في شركة تم، سبق لي حملت زوج دلمرات غير ما كملش الحمل ديالي سقطو ما كملو شهرين ،ربي كريم

العام الاول ديال زواج ما كنتش باغية الحمل، حقاش راجلي كان يخدم في السعودية،ماراح يقدر يعدل ليا الاوراق باش نلحق عليه، الى من بعد عام، كنا نستخدمو العازل

من بعد كي لتاحق بيه، خليتها على الله، حتى فات عام اخر وانا نلتجأ للطبيبة، قالت لي عندك تكيس وهرمون الحليب، اعطتني ادوية ومن بعد تقريبا شهرين من متابعة واخذ منشطات، حملت
غير ما كمل حتى شهرين ونزل، آآآآآآآآآه شحال بكيت عليه ،ربي يعوضنا برك
من بعد قلت نرتاح شوية بلاك ربي يرزقني بلا ادوية، وفعلا جلست ستة اشهر، وسبحان الله حملت بلا ادوية بلا والو ،ونفس الشئ شهرين وهو ينزل
ارتاحيت من بعدها حوالي 3 اشهر ومن بعد بديت مشوار من مستشفى لأخر ومنشطات
غير ربي ما كتب ليا الحمل سنتين هاذي وانا مع الادوية، من بعد عملت اشعة الصبغة واكتشفت ان عندي انسداد في احد انابيب+ عندي تشوه خلقي في الرحم ،رحم ذو القرنين، وهو الي ما تيخلي الحمل يثبث

وحاليا راني نحاول مع منشطات لان عندي ضعف اباضة،وتنفكر الشهر هاذا او الشهر القادم ندير منظار او عملية اصلاح الرحم وربي يكتب لينا الي فيها الخير

زوجي الحمد لله تحاليل ديالو جيدة،عندو غير نسبة لزوجة قليلة ،قالو ما تمنع الحمل


سمحولي طولت عليكم، غير بغيت نحكي ليكم باش تتعرفو علي مزيان

نتمنى نسمع اخبار خير عليكم كلكم، ونتعرف عليكم اكثر

manou10
22-05-2009, 09:26 PM
السلام عليكم ورحمة الله وبركاته واش راكم انشالله تكونو بخير و نشالله تفرحنا كاش وحدة بخبر مليح و نشالله ل دارو عملية التلقيح يكمللهم يا رب

samra05
23-05-2009, 02:12 AM
مساء الخيراختي عفوك ربي وكل بنات بلادي ان شاء الله مشكله نتاعك ساهله مدام راكي تحملي وتجهضي في امل كبير وان شاء الله نفرح بيك عن قريب

samra05
23-05-2009, 02:14 AM
مرحبا بيك اختي ديكاتري واش احواللك لباس

daktari18
23-05-2009, 02:17 AM
السلام عليكم ورحمة الله وبركاته


اختي سمرا واش احوالك ان شاء الله لباس احنا فالجزائر بدات الصيف

daktari18
23-05-2009, 02:25 AM
السلام عليكم ورحمة الله وبركاته


و الله الحمد لله انا اليو م بعد صلاة الظهر روحنا انا وراجلي و ماما و اختي و وليدها لحديقة الحيوانات عندنا في جيجل شفنا الحيوانات و في الوقت نفسه تمشيتا

شوية و شمينا شوية هواء نقي حتى دخلنا لعشية نحينا شوية دقت الخاطر.

samra05
23-05-2009, 02:25 AM
والله نحمده ونشكره احنا ثاني سخون حال بزاف والله اليوم عييت نخرج من سخانه وانت كاش خبر يفرح وكتاه تبداي تلقيح ان شاء الله تحملي بلا دواء

daktari18
23-05-2009, 02:41 AM
ربي يسمع منك اختي سمرا و الله هدي المرة راني مرتحة من الدواء حتي الطبيب ملروحتلو في وقت العملية الا ماكتبش ربي هدا الشهور بلاك نعاودها بعد رمضان


و شوف مايكتب ربي

daktari18
23-05-2009, 12:42 PM
صباح الفل و الو رد و الياسمـن على الجميـــــــــــــــــــــــــــــــــــــــــع

manou10
23-05-2009, 12:53 PM
السلام عليكم ورحمة الله وبركاته واش راهم بنات بلادى و ناس جيجل انا شحال متمنية نصيف فى جيجل بصح ربى مكتبش اختى عفوك ربى انا اعرف كثير عندهم انسداد انابيب و ارتاحو و حملو انشاء الله تكونى وحدة منهم و تجيبى طزينة درارى.......................هههههههههههههههههه اخواتى انا حابة نعرف ادا كان وحدة عندها نفس المشكل تاعى( زوجى عنده قلة العدد و قلة الحركة و تشوه) و انا الحمد لله كيما زوجت كان عنى نسبة هرمون الحليب طالع و من بعد ما اخدت دوا تعدلو الباقى كل مليح.......................سلام

karima25
23-05-2009, 01:26 PM
السلام عليكم ورحمة الله وبركاته
صباح الخير عالجميع
ندى حبيبتي على قد ما فرحتلك على قد ما حزنت لاني انا تاني جربت مرارة الاجهاض و كيف تحسي لما تفرحي بالحمل و بعد ما يكملش ربي ..اللهم اجرنا في مصيبتنا و اخلف لنا خيرا منها يا رب....و راني للان نستنى باش كاش ما يرزق ربي مازال ....ربي كريم و رحيم و قادر على كل شىء ...ما تقلقيش و خلي املك بربي كبير ...هو قادر على كل شىء
الله يصبرك و يصبر راجلك و يرزقكم بتوام يا رب
كوراج و ربي يخلف عليك باحسن منو يا رب

karima25
23-05-2009, 01:29 PM
و باقي لبنات وشراكم ان شاء الله تكونو كااااااااااااااامل لاباس
سمرا و داكتاري و عفوك يا ربي و مانو و كل البنات

daktari18
24-05-2009, 01:31 AM
اهلا بيك اختي manou ناس جيجل كامل مسلمين عليك و لكان مهزتكش الارض نهزوك على كتافنا انت و جميع حبابنا وولاد بلادنا و نتمنى ان شاء الله يكتبلك

المكتوب و تزورينا كاش نهار انا تاني توحشت بزاف وهران و ناسها في ديسمبر كنت فيها زيارة لاهل راجلي

بصح فالصيف نقولك الحق اختي ما بدلش جيجل سالي عليها الاخت كريمة تحكيلك عليها .

الاخت كريمة واش حوالك ان شاء الله لباس انت و الاخت سمرا و اختنا المغربية والله والفنا هدي اللمة

ويارب دومها اميـــــــــــــــــــــــــــــــــــــــــــــــ ــــــــــــــــن.

karima25
24-05-2009, 08:34 AM
السلام عليكم ورحمة الله وبركاته
اااااااااااااااااااااااامين يا اختي داكتاري 18 ان شاء الله ربي يدوم لمتنا كامل يا رب
و واش نحكيلك يا اختي مانو ...جيجل الله يبارك حطة خاااااااااااصة الكورنيش نتاعها يهبببببببببببل مناظر طبيعية تسحر العين و تشرح الصدر و الله ما عندي ما نقولك ....كو نصيب نظل عالكورنيش نتامل ...سبحان الذي خلق فسوى...و الله ما نقدروش درك ما نروحولهاش في الصيف ...راهي حااااااااااالة يا اختي مانو
ان شاء الله ربي يكتبلك تزوريها و تتمتعي بمناظرها يا رب
و حتى وهران الباهية ما عندك ما تقولي فيها بصح ما كتبش ربي نزورها ...ان شاء الله نزورها في يوم من الايام ...عندي جارتي وهرانية دايما تحكيلي عليها ...باريس الثانية
الحمد لله بلادي كاااااااااااملة شاااااااااابة

ارجو عفوك يا ربي
24-05-2009, 10:30 AM
السلام عليكم ورحمة الله وبركاته

صباح الخير واش راكم حنوناتي ، ان شاء الله بخير

كاش اخبار جديدة تفرحونا بيها
في الحقيقة انا ارتحيت ليكم ،ويارب ما يمر هاذ العام حتى كلنا نكونو حوامل


شكرا على تفاعل معايا

بالنسبة ليا انا اختي سمرا راه عندي ضعف شديد في التبويض، تقريبا سنتين نحاول بالمنشاط ماجاب الله، وحتى دكتورة ما عطاتني امل تقولي حتى لو تحملي راح ينزل حقاش عندي تشوه في الرحم

غير الامل بربي كبير ولله الحمد

اختي مانو ،ان شاء الله انا تنفكر ندير منظار وعملية للرحم ،وربي يتمم بالخير

سلامي للبنات داكيري، كريمة،ندى وكل الاخوات يارب نفرح بيكم في القريب العاجل

manou10
24-05-2009, 01:52 PM
السلام عليكم ورحمة الله وبركاته شكرا بزاف اختى دكتارىنشاءالله نزوركم و اختى كريمة وهران صح باهية بزاف فى الشتاء و فى الصيف كيما قلتى بلادنا شابة بزاف............يا بنات اطلبولى ربى راجلى غدوة يعاود التحاليل يا رب يطلعو ملاح راهو كره مسكين من الدواء بزاف يا رب ارزقنى وجميع البنات بالدرية الصالحة سلامى لكم كلكم

ارجو عفوك يا ربي
24-05-2009, 02:03 PM
مساء الخير اختي مانو ، ان شاء الله ربي يفرح قلبك يا اختي

ويطلعو تحاليل نتاع راجلك مزيان يا رب وتفرحي وتفرحينا معاك

الله يشفيه ويعافيه يا رب




بنات وقتاش راكم تدخلو باه نكون نجي نقصر شوية معاكم، حقاش كاين شوية ديكالاج ديال توقيت بيني وبينكم ،على ود انا بالسعودية نعتقد الفرق بينا ساعتين


تحياتي لكم جميعا

samra05
24-05-2009, 03:12 PM
السلام عليكم ورحمة الله وبركاته وشراكم يا لبنات لباس نتمني يرزقنا جميعا وشراكي اخت كريمه لباس واش وين راح تعقبي صيف دياللك وهران ولا جيجل والله سخفتوني وتوحشت بلادي العام لفات روحت جيجل شط العوانه والله جوزت سمانه هايله مام بجايه مليحه ان شاء الله تعقبو صيف هذا بلحمل مع الوحم

daktari18
24-05-2009, 04:19 PM
السلام عليكم ورحمة الله وبركاته

كيراكم لـــمت الخير ان شاء الله تكونو لباس يارب ديما ،اختي سمرا الىحب ربي تجينا لجيجل و انت مع البيبي ديالك كلش قريب عند ربي ، اختي مانو ياربي و

يكونوملاح و نطلبلو الشفاء من عند الله العزيز القدير اختي مانو سمعت بزاف ناس و حكالي راجلي و تاني قريت في هدا المنتدى على الخلطة لمتكونة من غداء

ملكاتالنحل و غبار طلع النخيل و عسل النحل ياكلهم الرجل لعندو مشكل كيما الزوج نتاعك وطبعا الدعاء والاستغفار الدائم ، اختي ندى ربي سمعنا الخير عليك

متفشليش مهما كانت النتيجة فلامل موجود وينك حبيبتنا كريمة.

samra05
25-05-2009, 01:59 AM
ان شاء الله اختي ارجو عفوك يرزقكك وتفرحينا انا اعرف وحده عندها مشكله كيما انتي ودكتور قالها اذا حملت راح ينزل بس الحمد لله حملت عادي ومانزلش بيبي ربي قادر علي كلش ان شاء الله نفرحو بيك كامل هذا شهر توكلي علي ربي وان شاء الله شئ الي تتمنا يعطيك

samra05
25-05-2009, 02:02 AM
سلامي الي كل بنات شو احواللكم لباس والله انا الحمد لله اختي كريمه توحشت عندي بزاف مدردش معاك ومتلقيناش في منتدي واختي ديكاتري شو احواللك ليله مكونتيش واش سخانه غلبتك ههههه تصبحو علي الف خير

daktari18
26-05-2009, 01:58 AM
مساء الخير عليكم حبباتنا كيراكم والله اليوم مدخلتش بكري للمنتدى روحنا فالعشية عنداختي بالطبيعة انا وراجلي و ماما خاطر انا وراجلي نعيشو مع ماما كبيرة في

العمر ربي يعيشهالنا ومتشوفش مليح ومنين نروح نديها معايا و هي يتسال عليكم بزاف و تدعيلكم ربي يرزقكم بالدرية الصالحة و فالليل روحنا عند خويا يسكن جارنا.

سمحولي طولت عليكم حبيت برك نشارككم معايا في يومياتي باه شوية نبدل جو المعانات و نخفف شوية على بعضانا .

اختي مانو نشاء الله التحاليل ملاح.

daktari18
26-05-2009, 02:18 AM
تصبحــــــــــون علــى خيـــــــــــــر حبيباتـــــــــــــــي

samra05
26-05-2009, 02:24 AM
وانتي علي الف خير ربي خليلكم يماكم وسلملي عليها بزاف

manou10
26-05-2009, 01:04 PM
السلام عليكم ورحمة الله وبركاته كيفكم يا بنات وهش اخباركم كاش خبر يفرح ولا مازالواش جديدكم مع الطبيب انا ليوم رانى على نار نستنى فى النتيجة تاع راجلى و من بعد نقرر واش ندير لكان نديرو عملية التلقيح و لا لا

samra05
26-05-2009, 01:43 PM
صباح الخير لكل بنات ان شاء الله اختي مانو تكون نتيجه نتاع راجللك مليحه وماديروش تلقيح وتحملي طبيعي يارب ما تنسايش طمنينا وان شاء الله نفرحو عن قريب يارب

manou10
26-05-2009, 05:28 PM
السلام عليكم ورحمة الله وبركاته للاسف النتيجة زادت الدهورت اسوء من الاولى كل تحليل يعملو يكون اسوء من الاول اصبحت الحركة عندو صفر و الله العضيم رانى مدمرة خلاص و لكن نقول الحمد لله على كل شىء......الهم لا تدرنى فردا و انت خير الوارتين

samra05
26-05-2009, 06:51 PM
لا حول لاقوه الله الا بالله الله يصبرك اختي مانو وان شاء الله مره القادمه يكون تحليلو احسن والله قادر علي كل شئ ودكتور شو اقترح عليكم يارب يرزقك اختي مانو

ارجو عفوك يا ربي
26-05-2009, 09:36 PM
السلام عليكم


اختي مانو ربي يأجرك في مصيبتك يارب ، يخفف عنكم

ان شاء الله ربي يفرج همك عن قريب


سلامي للجماعة الكل




اما اخباري الدورة متأخرة عليها،ودرت تحليل ماكاين حمل، اصلا عافة ماكاين حمل لان تبويض جد ضعيف عندي وما كنت واخذة منشطات

والله ماعرفت واش راح ندير تنفكر نشري دوفاستون ونشربو باه تنزل
يارب رحمتك كل ساعة تطلع لينا مشكل


ربي لا تذرني فردا وانت خير الوارثين

ارجو عفوك يا ربي
27-05-2009, 12:39 AM
تصبحــــو على الـــــــف خيـــر

ربي لا تذرني فردا وانت خير الوارثين

daktari18
27-05-2009, 12:55 AM
السلام عليكم ورحمة الله وبركاته

كيراكم لبنات ان شاء الله لباس ، اختي مانو ربي يكون مافيه الخير انا المرة لفاتت كيروحت لكلينيك ابن رشد تلاقيت وحد المراة راجلها عندو مشكل عدم الحركة

و دارت تلقيح الاصطنـــاعي لاول مرة عندها 06 سنين و نجحت العملية و رزقها ربي بطفلة و عاودت دارت تلقيح اخر معايا في مارس . و الله ياختي مانو لوكان تكونو

واجدين الاحسن تبداو في عمليةالتلقيح وربي الموفق . اختي ارجو عفوك ياربي والله ربي يصبرنا و يفرج علينا قادر يا كريم.

daktari18
27-05-2009, 12:58 AM
احبائي تصبحون على خير و الى غــــــــــد ان شاء الله ، سلامي للجميــــــــــــــــــع

ارجو عفوك يا ربي
27-05-2009, 01:03 AM
مرحبا اختي داكتاري
امين اختي ربي يفرج همنا اجمعين

تصبحي على الف خير اختي

daktari18
27-05-2009, 12:35 PM
السلام عليكم ورحمة الله وبركاته

صباح الخير على الجميع ، اختي مانو كيراكم ان شاء الله لباس و كيراهي البوبونة ديالك و ربي يعيشهالكم و يباركلكم فيها نحمدو ربي .

manou10
27-05-2009, 12:43 PM
السلام عليكم ورحمة الله وبركاته شـكــرا اختى سماره و دكتاري و عفوك ربى على ردودكم الجميلة انا اليوم اصبحت الحمد للهساحكى لكم عن يوم البارحة.....بعد ما جاب زوجى التحاليل دهبنا عند الدكتور المعتاد لم نجده و قالت الفرملية ما يجيش على سمانة قلت راجلى هيا نروحو كلينيك المولود نشوفو و رحنا فى الاول كانت الطبيبة فى غرفة العمليات قالتنا ارجعو على الرابعة روحنا و رجعنا على الربعةلقيت نساء بزاف و كل واحدة حكاية المهم دخلت عند الطبيبة بدات تسال و احنا نجاوبو و سالت زوجى على الدواء الدى يشرب قالها يشرب فيتامينات و هورمونات و اعطاها الاسم قالتلو هل عملت تحليل دم و هورمونات قاللها ابداااااااا..ضحكت و قالتلو على اى اساس يعطيوك هرمونات بدون ما يعرفو الهورمونات تاعك كيفاه و قالتلو على هاده زادت حالتك سوء عطاتو يدير تحاليل و انا تانى عطاتنى ندير تحاليل هورمونات تانى او تالت يوم من الدورة انشاء الله و من بعد قالتنا نبداو ك نشوف التحاليل نقررو واش نديرو......و الله يا بنات انا معدش عندى طيقة الى نروحو ليه يقول انا فولى طياب ههههههههههههها هادا مثل.......اللهم اشفى زوجى يا رب........اسمحولى طولت عليكم بصح حبيت تعرفو واش سرا معايةbyebye

manou10
27-05-2009, 12:46 PM
صباح الخير دكتارى انا ليوم الحمد لله و بنتى راهى مليحة واش راكى انتى و واش احوالك

samra05
27-05-2009, 01:02 PM
صباح الانوار بنات وشراكم لباس الحمد الله اختي مانو ولله انا حاسه بيك مهم توكلي علي ربي وان شاء الله خير يارب

sara said
28-05-2009, 01:44 AM
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين شـكــ وبارك الله فيك ـــرا لك ... لك مني أجمل تحية . bye

daktari18
28-05-2009, 02:21 PM
السلام عليكم ورحمة الله وبركاته

صباح الخير على الجميع ، اختيSara said اهلا و سهلا بيك ونتشرفو بمعرفتك ونتمنى نتعرف عليك اكثر ، حبيباتي كريمة ، سمرا ، ارجو عفوك ياربي ، مانو واش

احوالكم ان شاء الله لباس و نتمنى نسمعو الخير على اختنا ندى .

samra05
28-05-2009, 06:41 PM
اهلا بيكم بنات وين راكي كريمه هذي غيبه توحشناك مهم انا نزلت معي دوره اليوم وراح ابدا اخذ ابره الله يوفقنا جميعا

daktari18
28-05-2009, 08:16 PM
السلام عليكم ورحمة الله وبركاته

اختي سمرا ربي يكون لفيه الخير و نوصيك غير على صحتك وراحتك كيتبداي الدواء تهلاي في روحك و ربي يكملك اميــــــــــن.

اختي كريمة ان شاء الله المانع خيـــــــــــــــــــــــر.

manou10
28-05-2009, 08:59 PM
السلام عليكم ورحمة الله وبركاته واش راكم يا بنات نشاء الله لاباس ما كله حتى وحدة عندها خبر مليح تطلعنا بيه المورال

samra05
28-05-2009, 08:59 PM
شكرا اختي ديكاتري مدام راكم معايا راح ان شاء الله نكون مليحه الله يخليكم والي فيه الخير يقدم ربي

daktari18
29-05-2009, 01:51 AM
السلام عليكم ورحمة الله وبركاته


منـــــــــــــــــي لكـــــــــــــــن ألف قبلــــــــــــــــــــــــــــــــــــــة ، تصبحـــــــــــــــــون علـى خيــــــــــــــــــــر.

samra05
29-05-2009, 12:54 PM
صباح الخير بنات جمعه مباركه علينا يارب

daktari18
29-05-2009, 09:49 PM
السلام عليكم ورحمة الله وبركاته

واش احــــــــــــــوالكم لبنات ان شاء الله لبــــــــــــــــاس.

daktari18
30-05-2009, 05:13 PM
السلام عليكم ورحمة الله وبركاته


لبنات طمنونا عليكــــــــــــــــــــــــــــــــــــــــــــــ م

ارجو عفوك يا ربي
30-05-2009, 05:21 PM
السلام عليكم

واش حوالكم يا الغاليات، ان شاء الله ربي رانكم لاباس

انا ماعندي صراحة والو جديد، الدورة لهلى تربحها تعطلت عليا هاذ الشهر ، يعني للاسف التكيس رجع عندي

ربي كريم ورحيم ان شاء الله ربي يسهل الامور

تقريبا اسبوع وانا نرغب في راجلي باه يوافق نروحو لدكتور، والو حالف ما نكشف عند دكتور الله يهديه
بيني وبينكم انا ثاني ما تنرتاح للرجال غير للاسف في هاذ المجال ديال العقم وتأخر الانجاب اشطر الاطباء الرجال

والبارح اعطاني موافقة مبدئية، وان شاء الله يبقى على رايه ونمشي هاذ الشهر للدكتور

رحت دكتورة واعطاتي دواء باش ننزل الدورة، وغادي نعاود تحاليل، وتنفكر نروح نتابع مع دكتور الطيلوني الي راه في المنتدى، هو صراحة بعيد علي داري بزاااااااف، تبارك الله جدة كبيرة
غير لازم الصبر وربي يكمل بالخير ان شاء الله





سلامي ليكم جميعا، ويارب تتوفقو في مشوار طلب الحمل هاذ الشهر وتفرحو وتفرحونا معاكم

samra05
30-05-2009, 07:40 PM
اهلا بنات الله يرزقكك اختي ارجو عفو ربي والله مللنا الانتضار انا راني ناخذ الابره كل يوم وان شاء الله عندي راديو يوم ثلاثاء ان شاء الله استجيب مع ابره عشان ارجع الاجنه مجمد ادعولي بنات مللت من الابر وادويه وانت اختي ديكاتري شو احواللك راكي لباس كاش جديد عليك

samra05
30-05-2009, 07:41 PM
وحشتني اختي كريمه ان شاء الله تكوني لباس طمنيني عليك

daktari18
30-05-2009, 09:13 PM
السلام عليكم ورحمة الله وبركاته

اختي سمرا ماتتقلقيش ماشي مليح و انت في هدي المرحلة و لفيه الخير يكتبو ربي الاطباء يقولو الحالة النفسية عندها نسبة كبيرة النجاح نتاع العملية توكلي على ربي

و صلي صلاة الاستخارة و ربي الموفق و نسمعو عليك خبر يفرح ، حبيبتي ارجو عفوك ياربي والله ما ديري والو في بالك ما دام راكي بديتي العلاج كالطبيب كالطبيبة

المهم يفهمو حالتك و ربي ان شاء الله يرزقك من واسع قادر يا كريم.

daktari18
30-05-2009, 09:22 PM
اختي كريمة توحشناك و توحشنا طلتك البشوشة ياربي يكو ن المانع خير ، اختي مانو واش الاحوال بديتو فالتحاليل و لا مزال ؟


اختي سمرا حاليا مكان والو جديد راني مرتحــــــة للدواء و ربي يسهل عليا و عليكم و على كل محروم .

manou10
31-05-2009, 01:20 PM
السلام عليكم ورحمة الله وبركاته اختى عفوك ربى نشاء الله مايكونش تكيس تكون غير تعطلت و صح كيما قلت الدكاترة الرجال ناجحين اكتر من النساءو اختى سمارة نشاء الله هده المرة تنجحلك العملية و تتهناى دكتارى انا التحاليل تاعى لازم تانى يوم الدورة يعنى مزال باه نديرهم و راجلى قالى نديرو مع بعض يعنى يستنى فيا ندير باه يدير هو نشاء الله يا ربى يطلعو ملاح:good
ة

manou10
31-05-2009, 01:25 PM
وين راحو لبنات ل كانو فى المنتدىمن الاول الجزائريات واش بيهم عادو مايشركوناش حابين نعرفو اخبارهمو نستفيدو من بعض

samra05
31-05-2009, 02:38 PM
صباح الخير بنات شو احوالكم انا الحمد مع الابره اختي مانو شكرا علي سؤاللك علي واتمني من قلبي تطلع نتائج تحليكم منيحه ويارب وتحملي طبيعي

daktari18
31-05-2009, 04:06 PM
السلام عليكم ورحمة الله وبركاته .

daktari18
31-05-2009, 07:55 PM
و الله اختي مانو عندك الحق كانو الاخوات بزاف و مدابينا يرجعو وتاني يدخلو معنا الجدد و نحيو ديقة الخاطر مع بعضانا ، انا وحدة ناس والفتكم بزاف ولاو الاخوات

بحال العائلة ديالي نتمناو يكثرو الاخوات امين.

daktari18
01-06-2009, 02:23 AM
تصبحون علــــــــــــــــــــى خيــــــــــــــــــــــــــــــــــــــــــــــــ ــــــر

daktari18
01-06-2009, 11:30 AM
السلام عليكم ورحمة الله وبركاته

صباح الخيــــــــــــــــــــــــر ان شاء الله صبحتو لباس

ارجو عفوك يا ربي
02-06-2009, 02:29 PM
السلام عليكم

واش خباركم حنوناتي ان شاء الله رانكم لاباس

اختي مانو ان شاء الله تكون تحاليل ديالكم ممتازة يارب

اختي سمرا ربي يوفقك في مشوار ترجيع اجنة ،ونوصيك بقيام الليل وكثرة الاستغفار
الله يثبث الاجنة ديالك يا رب، بغيت نسولك وش فايدة ديال الابر ؟؟؟ باش يهييؤو الرحم للاجنة ؟؟؟

اختي ديكتاري: واش خبارك حبيبتي ،واش اخر مستجدات عندك ،او واخذة كونجي هاذ الشهر


بالحق البنات معاكم الصح كثير اخوات ما بقاو يدخلو ،حتى الاخت كريمة وندى من زمان ما عرفنا اخبارهم ،ان شاء الله مشغولين بالوحم والحمل يارب


انا لا جديد عندي كملت حبوب ونتسنى الدورة تنزل باش نعاود ندير التحاليل الله يعفو علينا ويكرمنا اجمعين

daktari18
02-06-2009, 10:47 PM
السلام عليكم ورحمة الله وبركاته

على السلامة أ ختي راجية عفوك ياربي و الله توحشتك و توحشت الاخوات طولتو الغيبة و المهم انكلباس و ان شاء الله يكونو تاني هما لباس ، و الله ياحبيبتي هدا ا

المرة ديت كونجي بصح غير فالدواء أنا و راجلي سمن على العسل هدا المرة مكان لحساب لوالو كلش طبيعي هههههههههه.

إشتياق
02-06-2009, 11:01 PM
السلام عليكم
واش راكم البنات، عندي بزاف ما دخلتش للمنتدى، أنا زوجي عندو دوالي و قلة في الحركة، و حتى الأن لم يبدأ العلاج، كل مرة نقولو روح لطبيب يقولي ما زال الحال ما تقلقيش، تعبت معاه و العمر يجري دبرو عليا واش ندير.
اللهم أرزق كل بنات المنتدى الذرية الصالحة عاجلا و ليس آجلا.

daktari18
02-06-2009, 11:50 PM
السلام عليكم ورحمة الله وبركاته

اهلا اختي اشتياق معرفة خير و ان شاء الله نربحو على بعضانا و الله أختي ننصحك تمشي مع راجلك غير بشوية حتى يقتنع تعرفي ممكن الموضوع للرجال حساس

و بربي يقتنع وتباو الدواء هدا سي بكري كيما قلتي لعمر او يمشي و ياربي و يرزقك و يرزقنا بالدرية يارب.

daktari18
03-06-2009, 01:25 AM
السلام عليكم ورحمة الله وبركاته

أختي wasaya الله يحفظك صاحب راجلي من عنابة معندوش لولاد و كان يداوي فالفرابي و مكان والو هدي المرة عيطلنا في التلفون وقالنا مرتو بالحمل عندها

شهرين يعني في بدايته و خبرنا أنها المرة هادى راحو عند طبيب اعشاب معروف عندكم في سطيف { ميهوبي سليمان} و عطاهم خلطة تشربها و في نفس الشهر

حملت ، الله يعيشك حبيت معلومات كافية و جزاك الله خير ، سمحيلي طولت عليك.

MARAM
03-06-2009, 12:45 PM
صباح الخير الينات توحشتكم بزاف على بالي طولت الغيبة بزاف
ماكاين حتى جديد والله غير كرهت ومليت وقررت أنا وزوجي نزيدوا نستناو شويه ونروحو نجيب كاش يتيم نتكفلوا بيه
les medcinكلاونا كامل دراهمنا ودوا يروح ودوا يجي وماكاين حتى فايدة وles analystes كل خطرة
خلاص
البنات وحده صديقتي جرب راجلها فيتامينات امانه كير وقالتلي كاين تحسن رحت لعندهم في باب الزوار بصح les prix غاليين بزاف
ان شاء الله ماتكرهوش كيما انايا وربي يجيبها في الصواب وكل حاجه بيدوا

samra05
03-06-2009, 01:24 PM
صباح الخير بنلت راني طولت عليكم بصح والله مع لرنديفو نتاع طبيبه وممرضه ماعنديش الوقت مهم كي تكون لباس انا ماعندي حتي جديد غير راني نستني وكتاه يتهيئ رحم نتاعي ونرجع الاجنه

samra05
03-06-2009, 01:25 PM
اختي ارجو عفوك ربي انا ناخذ الابره عشان باش تهيئ رحم علي حد علمي

samra05
03-06-2009, 01:29 PM
مرحبا اختي مرام معرفه خير ان شاء الله حبيت نسقسيك واش هو مشكل زوجك وشو فيتامينات الي ياخذهم اذا ممكن واش هو فيتامين الي قلتي عليه غالي اكتبهلي بلفرنسيه تعيشي

MARAM
03-06-2009, 03:39 PM
أهلا سمرا ان شاء الله يارب يمن عليك بالحمل يارب
زوجي كان عندوا دوالي عمل عمليتين وحده قسطرة رجعت الدوالي وعاود عملية جراحية كلاسيكية تم استئصال الدوالي
بالنسبة للفيتامينات هي : من أمانه كير AMANA CARE
الماكا + الكارنيتين + ا**ترا بروجو+ فيتامين e
MACA CARE+ carnitine+ extra brojo+ vitamine E 1000
علاج 50 يوم ب 33330.00دج يعني أكثر من 3 ملاين

قوليلي سمرا وين قمتي بعملية التلقيح
سلام

daktari18
03-06-2009, 06:32 PM
السلام عليكم ورحمة الله وبركاته

واش أ حوالكم لبنات ،أختي سمرا ربي انشاء الله يخلف عليك بالخير و يرزقك ربي ، أختيmaram معرفة خير و يتوحشك الخير و الله يا حبيبتي كيما قلتي الانسان

ضعيف و نكرهو و نتقلقو بصح الصبر خير من كلشي و ياربي و يرزقنا وينعم علينا بنعمة الاولاد ، و تربية يتيم مكانش ما خير منها و يربي يجازي عليها.

karima25
03-06-2009, 08:12 PM
السلام عليكم ورحمة الله وبركاته
وشرااااااااااكم يا لحبيبات ديالي ........توحشتكم بزاااااااااااااف و ما شدني عليكم غير الضروف....كنت في دار بابا عندي 10 و انا لتم غير من المشاكل نتاع لافامي نتاعو ...يعني لعجووووووووووووزة ...ام راجلي ...راح تهبلني كل مرة و هي حاطة كرسي و تشكي لبنها مني و تحرش فيه عليا ...و حابة تطلقني منو ...تقولي روحي تروحي عند امك ما تسحقكش تقعدي معايا ...امالا روحت و قررت ما نرجعش غير لكان دارلي داري وحدي ...و كملت داري باش نرجع ...و بقى راجلي رايح جاي عند ماما باش يرجعني حتى غاضني ووليت معاه اليوم...و الله راني ربي اللي يعلم بحوالي راح نهبل من هاذ الدار كرهتا بزاااف....
و القلقة نتاعي هي اللي معطلتني على الاولاد راني عامين ما هنيتش حتى شهر على بعضاه من هذ لعجوزة العادمة ...ربي يهنيني منها يا رب
سامحوني راني قاقانة و ما لقيت لمن نشكي همي غير ادعولي معاكم ربي يفكني منهم يا رب
و الف شكر لكل من سال عليا و توحشني سمرا و داكاتري و عفوك ربي و مانو و كل اللي تفكروني يتفكركم الخير و ربي يفرج علينا من كل هم و من كل ضيق يا رب
اختي مرام اهلا بيك من جديد توحشتك بزااااااااااااااااف و هاذي غيبة ربي كريم و ان شالله ربي يرزقكم على قد نيتكم ...يا رب
اختي اشتياق تاني راهي من الاخوات الاولات اللي كنا نجتامعو في الصفحة ...توحشتهم بزاف...
و ندى يا ربي يسمعنا عليها سمع الخير يا رب و تكون حامل يا رب
لبنات ان شاء الله هاذ الليلة نتلاقاو و نحكيو شوية
سي يو
سلام

daktari18
04-06-2009, 01:35 AM
السلام عليكم ورحمة الله وبركاته

أختي كريمة على السلامة توحشناك ، و الله كيقريت المشكل نتاعك بكيت الله يكون في العون و ربي يهدي من خلق المهم كيراجلك يحبك و متعلق بيك و نتمنالك

ربي يفرج عليك بدار تتهناو أنت وياه مع بعضاكم و تعوضو ليام الماضية و تمناي ليماه الهداية من عند الله و شدي في حبال ربي ميخيبكش .

daktari18
04-06-2009, 02:06 AM
أختي سمرا مساء الخير نوصيك تهلاي في روحك بزاف في هدي المرحلة الراحة النفسية و الجسدية مليحة و كاش أخبار على الاهل في الجزائر املاح و فخبارهم

بليك ديري هدي المرة ترجيع الاجنة خاطر الدعم العائلي يريحك واش عليه بعاد المهم يكونو فالصورة و ربي يجيب لفيه الخير ، متتقلقيش خلي كلش يمشي قي

وقتو.

samra05
04-06-2009, 02:09 AM
مرحبا بيك اختي كريمه والله فرحت كي شفت مساج نتاعك وفي نفس الوقت والله حزنت علي مشكل نتاعك نقوللك يجي نهار ويفرج ربي مهم اصبري اكل رانا عقبنا علي عجايز ننصحك حاولي تصبري لان متضرر في امر راجللك ثاني علبالي بلي راكي تسوفري اذا راكم قادرين تخرجي بدارك ننصحك تخرجي خير

samra05
04-06-2009, 02:11 AM
شكرا اختي ديكاتري لانك ديما تسقسي عليا راني والله الحمد لله لحد الان مام نفسيتي مليحه الله يخليك

samra05
04-06-2009, 02:22 AM
اهلا باختي مرام شكرا علي جوابك علي اسئلتي انا عملت 3تلقيح المجهري في فرنسا والحمد لله نجحت مره اولي واجهضت في شهرين ومرتين ما نجحت وناويه نرجع الاجنه مجمده هذا شهر نتمني تدعولي نقوللك اختي مرام لا تياسي برحمه ربي وكملي داوي وان شاء الله يرزقنا ربي جميع بلنسبه لدواء لكتبتهولي معرفتوش اذا ممكن تعطني ماركه دوليه نتاعو انا زوجي عندونقص في الحيوانات المنويه وفي الحركه ودواء الي اعطهولو دكتور هو bètasèlenوثانيtamoxifène20mg واذا عندك اي سؤال انا حاضره

daktari18
04-06-2009, 03:49 PM
صباح الخير على وجوه النـــــــــــــــــــــــــــــــــــــــــــــــ ــــــــور

manou10
04-06-2009, 05:24 PM
السلام عليكم ورحمة الله وبركاته واش راكم يا بنات راهى ليوم السخانة تلهب كيفاه الاحوال عندكم......... سمارة25 حبيت نسقسيك على خاطر راجلك كما راجلى. انتى تانى عندك مشكل ولا غير راجلك, يعنى وحدة كتعود هى معندها حتى مشكل تصلحلها عملية التلقيح الاصطناعى

karima25
04-06-2009, 11:56 PM
السلام عليكم ورحمة الله وبركاته
اختي داكاتري ربي يعطيك و يمنيك على قد نيتك لمليحة و دعوتك ليا يا ربي يفرج عليا و على كل مومنة تعاني من نفس اللي نعاني منو
ربي يفرجها علينا عما قريب
اختي سمرا يسقسي عليك الخير حنونتي ربي يعيشك على فرحتك برجعتي ليكم و اما على الدار رانا نبنيو و الدار مازال ما وجدتش ...اليوم يعدي بعام عليا معاهم
ربي يصبرني و يعوض عليا بالخير يا رب ....و الله كون غير جات لعجوز برك ...حتى بناتها المتزوجات كي يجيو فاكونس تتقلب الدار من المشاكل نتاعهم ...
الله يصبرني و يفرج علينا و على كل المومنين
هذا حال اللي يتزوج مع العايلة مرض و الله مرض
اختي مانو 10
ربي يشفي راجلك و يرزقكم الذرية الصالحة
سامحوني انا هذا ليام راني عيانة شوية لكان ما طليتش ما تلومونيش ...ظهري يوجعني كون نصيب غير نرقد ههههه
فنيانة ههههه
يالا تصبحو على الللللللف خير يا وجوه الخير

daktari18
05-06-2009, 01:08 AM
السلام عليكم ورحمة الله وبركاته

تصبحي على ألف خير ياأختي كريمة ماديري والو في بالك ربي يمهل و لايهمل و الناس لكيما هادو ليزيدوهما يشعلو النار ربي سبحانه يعاقبهم فالدنيا غير تحلاي

بالصبر و غلبيهم بربي و تهلاي في روحك و حاولي جبدي زوجك ليك و كيتسمح الضروف نتاعك و نتاع راجلك روحي داوي قادر ربي يرزقكم بالولاد و بوجودهم

تنساي كلش ان شاءالله.

samra05
05-06-2009, 03:12 AM
مرحبا بنات حبيت اقلكم ان دكتوره اجلت عمليتي لدوره القادمه لان هرمون الاستراديول طلع كثير وقالي تجاوبتي كثير والله ان اليوم سئلت دكتوره هل في امل احمل طبيعي قالتلي الا اذا حدثت المعجزه انا متاكده امل في الله بس لما قلتلي اسودت دنيا بوجهي والله ممللت من ادويه والابره والله باغيه نسمع كلمه ماما راني والله غير راح نهبل من الغربه ومن ادويه الله يعطيني صبر الله يفرج عليك ربي اختي كريمه وان شاء تخرجي بدارك ويرزقك ربي باولاد يضوها عليك وتتهناي من العجوزه مرسي اختي ديكاتري علي وقفتك وسؤاللك علي الله يكثر من مثاللك كنت حابه نفرحك ونفرح بصح الله غالب كلش بلمكتوب الله يرزقنا جميعا سلامي الي كل بنات ارجو عفوربي _مانو _مرام وكل بنات

daktari18
05-06-2009, 01:02 PM
السلام عليكم ورحمة الله وبركاته

أختي سمرا كل عطلة فيها خير و الا مكتبتش هدي المرة متفشليش المرة الجاية ان شاءالله و ربي يحب الخير لعبادو ، صح علبالي بلي الانسان ضعيف و نكرهو

من الدواء و الروتين بصح نحمد ربي و نشكروه و ليشوفو ربي خير لينا يعطيهنا و مهما طور الطب و مهما قالو الاطباء كأدن ربي سبحان الله كن فيكون و ربي حبيبتي

يمهل و لايهمل ، أختي سمر ا نوصيك لكان تقدري تولي تخدمي هكدا تعدي الوقت الفارغ و تشغلي نفسك ولا ارواحي للجزائر رتحي شوية و بعد يعملها ربي تويل

و هدي دعوة ندعيهالك في هدي الجمعة لمباركة{ ربي يصبرك و يهنيك و يبعد كل بلاء عليك}

daktari18
05-06-2009, 03:06 PM
{جمعة مباركـــــــــــــــــــــــــــــــــــــــــــــ ـــــــــة للجميــــــــــــع }



و تحية خاصـــــــــــــــــــــــة للمسؤولين عن هدا المنتدى

karima25
05-06-2009, 04:23 PM
السلام عليكم ورحمة الله وبركاته
جمعة مباركة على الجميع و خاصة على البنات ...بنات بلادي ...
اختي لحبيبة داكاتري الله يكثر من امثالك و ربي يفرج عليا و عليك و على سمرا و على كل البنات اللي عندهم مشكل في هاذ الدنيا
انا اليوم الدورة جات من بعد ما طمعتني توخرت يومين قلت بلاك ربي ناب عليا بالحمل ...و من بعد انصدمة بنزولها ...رفعت عينيا الى السماء و قلت اللهم اجرني في مصيبتي و اخلف لي خيرا منها ....لا حول و لا قوة الا بالله العلي العظيم ...سبحانك اللهم لا الاه الا انت استغفرك و اتوب اليك اني كنت من الظالمين ...
و الله يصبرني و يصبركم اجمعين يا رب العالمين
اختي سمرا ...كل عطلة فيها خير و ان شاء الله ربي يرزقك في هذا الشهر اللي ما تداويش فيه يا رب ...كلش ساهل على رب العالمين...
انا ثاني كي نخلص من الدورة نولي لعند الطبيب
البنات ما تعرفوش كاش دوا عرب ...يعني تاع جداتنا تاع بكري مليح ينحي النفخ و الهوا من الرحم هكذا ...يعني اذا كان الوحدة عنها هوا يجبدهولها ...كاش اعشاب مجربينهم ملاح
اختي داكاتري شوفيلنا كاش اعشاب موالفين يعملوهم العجايز عندكم في جيجل
و نستنى ردك
تحياتي

daktari18
06-06-2009, 12:33 AM
السلام عليكم ورحمة الله وبركاته http://www12.0zz0.com/2009/04/07/18/534594095.jpg

أختي كريمة أنا سقسيت ماما و قالتلي نبتة الخبيزة التعرفيها مليحة بزاف و متضرش باه تعرفيها اضغطي

على هدا الكود تخرجلك الصورة .

و الطريقة ساهلة بزاف و النبتة موجودة في كل بلاد تأخدي كمية من النبتة تغسليها مليح و بعد تفوريها

في **كاس كيما الطعام و دهنيها بزيت الزيتون متخليهاش تفور بزاف باه ما تحرقكش و حطيها في

كومبراس و حطيها كيما)une serviette jetable و رقدي و تقدري تكرري العملية كيما تحبي بصح تكون

بعد الدورة الشهرية و ربي يشفيك .

daktari18
06-06-2009, 12:52 AM
أخواتي مانو و أرجو عفوكياربي واش أحوالكم طولتو الغيبة و الله توحشناكم ربييسمعنا الخير عليكم و على الجميع.

karima25
06-06-2009, 11:39 AM
السلام عليكم ورحمة الله وبركاته
اختي ديكاتري ربي يعيشك ربي يسترك ما تتصوريش قداش محتاجة لهذا الوصفة و الخبيزة عرفتها احنا نسموها الخبايز و ما ساهل غير هو ان شاء الله نجيب منو و نعمل كيما قلتيلي
بارك الله فيك و ربي يجازيك و يعطيك ما تتمناي

karima25
06-06-2009, 11:44 AM
وينكم يا البنات
توحشت نتلاقكم اون لاين و نحكيو شوية
مانو و ندى ربي يسمعنا عليها سماع الخير ..و سمرا ربي يسهلك هذا الشهر و كلشي على ربي ساهل...و مانو ربي يشافي زوجك و يرزقك باخ او اخت لبنتك ...و اشتياق رانا اشتقنالك يا اشتياق ..و مرام يا العشرة لقديمة وينك طولتي الغيبة هذا شحال ....و عفوك يا ربي ...ربي يعفو علينا و يغفرلنا و يرزقنا عاجلا غير اجل يا رحمان.... و كل البنات و اللي نسيتها تسامحني
و الله محتاجين نصبرو و ربي يصبرنا و يفرغ علينا قناطير من الصبر يا رب
اللهم لا الاه الا انت استفرك و اتوب اليك اني كنت من الظالمين

ارجو عفوك يا ربي
06-06-2009, 02:26 PM
السلام عليكم

كيفكم حنوناتي والله توحشتكم بزاااف ،ولفت ندخل ونحكي معاكم

صح منيش دزايريا غير يعلم ربي اني نحبكم بزااف ،على ود البنات الي كنت نعرف دزايريات كانو الله يبارك ونعم الاخوات

سمحولي هاذ اليومين كون**يون عندي صافابا ،تندير تسجيل دخول غير للاسف ما تنقدر ندير تصفح ثقيلة بزاااف

انا جاتني الدورة، وغدوة نروح ندير تحاليل من جديد، كنت ناوية اليوم نروح ندير حجامة ،غير للاسف ما لقيت موعد حتى يوم الاثنين، وان شاء الله كل توخيرة وفيها خيرة كما تيقولو

مرحبا بالاخت كريمة على سلامتك اختي، وربي يفرج همك الحبيبة وتسكني دارك وتفرحي بوليداتك
اختي ديكتاري، مرسي بزااف على اهتمام وديما تسقسي عليا ربي ينولك واش في خاطرك
اختي مانو ان شاء الله هاذ المرة يكونو تحاليل ديالك وديال زوجك ممتازين((معلش نجاوبك على استفسار ديال تلقيح صناعي، يستعمل في حالة اذا كان مشكل عند زوج برك، غير يختلف على حسب المشكل
يعني على حسب نتيجة تحليل دياله لانه لازم يكون عدد الحركة لابأس بيها، ونسبة التشوه غير كبيرة حتى ينجع تلقيح صناعي))
حنونتي سمرا، والله حاسة بيك الغربة صعيبة وانا مجربتها ، رغم اني في بلاد عربية غير ما كانش كيف بلادك، ما نقول لك غير عسى ان تكرهو شيئا وهو خير لكم
اختي مرام تشرفت بمعرفتم ،وحبيت نقولك نعرف جارتنا جلست 10 سنين من غير حمل ،وتكفلت بيتمة ربتها عندها ما كملت 3 سنوات وحبلت سبحان الله من غير ادوية
ان شاء الله ربي يكرمك بالذرية الصالحة

تحياتي جميعا لبقية البنات

احبكم في الله

manou10
06-06-2009, 07:59 PM
السلام عليكم ورحمة الله وبركاته شكرا للبنات لسقساو عليا انا والله عدت قليل ما ندخل على الانترنات رانى ندخل غير نطمن عليكم و نشوف كاش جديد عندكم انا مازال نستنى فى الدورة من المفروض13 فى هاد الشهر. شكرا عفوك ربى على المعلومة والله الحركة عند راجلى فى التحاليل الاخيرة معدومة راهو درك حبس الدواء و يشرب غير فى الخلطات عمبالكم بلى غداء الملكة ليتحط فى الخلطات شحال يدير ............الكيلو تقريبا مليون...............نشالله يكون الفيه الخير

daktari18
06-06-2009, 09:48 PM
السلام عليكم ورحمة الله وبركاته

أختي أرجو عفوك ياربي الحمدلله كيراكي لباس و ابدا ما تقولي أنك مش دزيرية المهم أنك أختنا في الله و تاني المغاربة خوتنا و ان شاء الله تكون التحاليل مليحة

بصح فيما يخص الحجامة أنا سمعت بلي عها أوقات معينة و يديروها فالربيع يعني الحال ما يكونش سخون و الله أعلم و ربي يكون ما فيه الخير.

أختي مانو علسلامة و ان شاء الله التحاليل تكون لباس و فيما يخص عداء ملكات النحل علبالي بلي غاليبصح واش تحبي ديري رانا تاني نصرفو بزاف على الدواء

نطلبو من الله يساعدنا و يوفقنا و ربي يشفي راجلك هدا هو المهم و بوسيلي هديك البوبونة.

ارجو عفوك يا ربي
07-06-2009, 11:27 AM
السلام عليكم

دكتاري يعيشك حنونتي ، ربي يهنيك ويعطيك ما تتمني على كلامك الحلو
بالنسبة للحجامة يقولو ان في اوقات الافضلية 17 19 21 من كل شهر عربي
وانا تصلت على مركز ودكتورة قالت لي نسووها 3 ايام في الشهر بس بالنسبة لتأخر الانجاب يستحسن تكون من 2 حتى 4 يوم في الدورة
وكان عندها عدة مواعيد، واعطتني موعد يوم الاثنين يكون 4 يوم في الدورة او اني نأجلها للدورة القادمة وآخذ موعد بدري علشان يوافق 2 دورة


اليوم رحت ندير تحاليل الهرمونات ، والله فقرنا بسبب هاذ المصاريف ربي يعوض علينا برك
انا والله وليت نحشم نطلب راجلي درهم ،خاصة ان هنا العلاج مرتفع التكلفة شوي زيادة على المغرب
اليوم درت تحاليل الهرمونات ب 200 اورو هاذا مع الخصم طبعا، خاصة ان امراض العقم وتأخر الانجاب ما كيشملها التأمين للاسف


تحيتي واحترامي لكل البنات

karima25
07-06-2009, 12:51 PM
السلام عليكم ورحمة الله وبركاته صباح الخير على وجوه الخير
وشراكم ...توحشتكم و دخلت نسلم عليكم و نشوف حوالكم يا حبيباتي
اختي ديكاتري ...والفت ندخل نلقى رد جديد ليك بصح المرة هاذي راكي مونكيتي ...ان شاء الله ما تطوليش علينا بطلتك لحلوة ...رانا والفنا بيها
ربي يهنيك و ربي يرزقك و يرزقنا اجمعين
اختي سمرا ...وينك غيبتي بزاف ...هذا شحال ...ربي يكون معاك و يرزقك لولاد اللي يملو عليك غربتك يا رب
اختي عفوك يا ربي ...و الله عندك الحق ...دراهمنا اكلاوهم لنا الدكاترة ...غير ربي يرزقنا برك و كلشي مخلوف
اختي مانوا ربي يرزقك و ربي يشفي زوجك و كل ازواجنا يا رب
تحياتي للجميع و لكل بنات بلادي
احبكم في الله

samra05
07-06-2009, 04:02 PM
السلام عليكم ورحمة الله وبركاته انا معاكم بقلبي يا بنات كل يوم ندخل نشوف كاش جديد ونطمن عليكم بصح انا ماعندي مانقول هلي هذي ما نكتب والو الله يرزقنا جميعا يارب

daktari18
07-06-2009, 06:30 PM
السلام عليكم ورحمة الله وبركاته

واش راكم حباباتي ان شاء الله لباس أختي ارجو عفوك ياربي ربي يعوضنا و يغنينا واش تحبينا نديرو نصبرو وخلاص و ربي يرزقنا و ننسو كلش ، أختي كريمة واش

أحوالك ان شاء الله عدات العاصفة و تركحت الاحوال واش تحبي نقولك يا أختي أختي لحكيتلك عليها على كل حال أنا عندي غير هدى أختي و خمسة خاوا كبار

و مزوجين وولادهم كبار و كل واحد في دارو المهم رجعت أختي تخدم و جابت عندي أيوب تبدلت عليا الدنيا و ربي يعيش أختي حسستني بالامومة بوليدها

تبدلت علينا حياتنا أنا ولراجلي و ماما كامل الوقت معاه الله لا يحرمنا جميع من هدا الاحساس ، أختي سمرا ماديريي والو في بالك ربي المعوض و ادخلي

معانا نحكيو شوية مع بعضانا والفنا هدي اللمة و لامعندك ما تحكيلنا أحكيلنا واش طيبتي اليوم واش ديرتي وين روحتي ههههههههههههه. المهم نعرفو خبار بعضانا

و حوالنا هدا هو المهم.

daktari18
07-06-2009, 10:47 PM
لبنات ياربي و تربح الجزائــــــــــــــر اليوم قولو امين

daktari18
07-06-2009, 10:48 PM
http://thumbs.bc.jncdn.com/d74836e4ed8d4c0f88d7e8c977e9f093_l.jpg



لبنات ضغطو على هدا الكود

daktari18
07-06-2009, 10:57 PM
http://www.moheet.com/image/60/225-300/604899.jpg

أختي أرجو عفوك ياربي بالضغط على هدا الكود تتاكدي بليك راكي مننا و أ×تنا ويعلم الله شحال نحبوك و نحبو جميع لحب الجزائر

manou10
08-06-2009, 12:35 AM
مبروووووووك علييييييينا الماتش

daktari18
08-06-2009, 01:02 AM
مبروك وألف مبروك و زغرودة يالبنات أنا والله الصوت راح من كثر الزغاريد الله يدوم أفراحنا

1/2/3

vive l'algerie

samra05
08-06-2009, 01:14 AM
شكرا بنات والف مبروك علينا اختي ديكاتري والله راني من فرحه بكيت توحشت بلادي الله يخلينا ليها يارب

daktari18
08-06-2009, 02:07 AM
أختي سمرا اهلا بالطلة الحلوة هكدا نبكيو شوية ونفرحو شوية المهم ننساو شوية و الله يخلينا ديما مجموعين في بلادنا ، أختي كريمة وين راكي اليوم ، أختي أرجو

عفوك ياربي واش تفرجتي معنا الماتش عجبوك أولاد بلادي كالسبوعة مشاء الله ، أختي مانو اهلا بهدا الدخلة و تحيا الجزائر.

daktari18
08-06-2009, 02:09 AM
تصبحــــــــــــــــو بخيـــــــــــــــــــــــــــــــــــــــــــر يا عزيزاتــــــــــــــــــــي

samra05
08-06-2009, 02:33 AM
وانتي من الف خير تصبحون علي خير

karima25
08-06-2009, 08:16 AM
ألف مبروك .. علينا الماتش
فزنا و بجدارة
الحمد لله
اختي ديكاتري لازمنا عشا ولا غدا عندك باين عليك تحبي الكرة بزاااف هههه
عقبال للقاء مع الكحالش ..يفوزوهم يا رب

daktari18
08-06-2009, 10:22 AM
السلام عليكم ورحمة الله وبركاته

ان شاء الله صبحتو لباس ، أختي كريمة و يكون بالحـــــــــــــــــــوت وبصحتكم و ياربي و يحققهانا و نتلمو في جيجل نحطكوم في عينيا .

karima25
08-06-2009, 09:53 PM
السلام عليكم ورحمة الله وبركاته
ربي يعيشك اختي ديكاتري
ناس جيجل قبايل احرار و ناس مكرمين و مضيافين ...الله يبارك فيهم
و ان شاء الله نجو عندكم في هذا الصيف لحب ربي و كتبهالنا
انا ندوموندي ****ي بالحوت ...يم يم بنيييين واش نقولكم هههه
ربي يجعل ايامنا كلها افراح يا رب
لعقوبة عالباروك تاع وليدك يا ديكاتري لعزيزة
و لعقوبة عندنا كلنا يا رب

daktari18
09-06-2009, 02:06 PM
السلام عليكم ورحمة الله وبركاته

وينكم لبنات كريمة رايحة تخلص طبسي االطعام بالحوت { الجيجلي} غير زربو وصلو هههههههههههه.

karima25
09-06-2009, 02:44 PM
السلام عليكم ورحمة الله وبركاته
اختي ديكاتري كاش واحد يلقى رورحو وحدو مع طبسي ****ي جيجلي و ما يخلصوش ؟؟؟مستحيل
بلاك نخليلهم مغارف هههههههههههه

karima25
09-06-2009, 02:46 PM
وشراكم يا لبنات ووين هربتو ....
ولا صيفت الصيف و السخانة فشلتكم ؟؟؟
و الله اشتقنا للمشاراكات ديالكم
ما تطولوش الغيبة

samra05
09-06-2009, 06:17 PM
مساء الخير بنات راني ندخل كل يوم ونطمن عليكم بصح ماعندي مانحكي لاجديد يذكر ولا قديم يستحق ذكر مهم كي تكونو لباس خوتاتي راني والله راني نعزكم بزاف ونفرح كي نشوف راكم لباس اختي كريمه شوفي الوقت الي تقدري تدخلي فيه مسن قوليلي باغيه نهدر معاك اذا ممكن

manou10
09-06-2009, 07:52 PM
السلام عليكم ورحمة الله وبركاته متنساونيش معاكم فى ال****ى

samra05
09-06-2009, 11:17 PM
مرحبا بيك اختي مانو مش راح ننساوك شو اخبارك

karima25
10-06-2009, 12:07 AM
السلام عليكم ورحمة الله وبركاته
اختي سمرا نحكيو في الليل احسن نكون مخلصة من الشغل نتاعي و يكون الميكرو فارغ ما يحكمهوليش راجلي
يعني من ورا صلاة العشاء و طلع نشالله نحكيو يا اختي لعزيزة
تهلاي في روحك و نوصيك عالمورال لازم يكون مليح كلشي راكب عليه .....سال المجرب و ما تسالش الطبيب

karima25
10-06-2009, 12:11 AM
اختي مان غير نتي اللي ما ننساوكش ...موحال
ان شاء الله تكوني بخير و على خير و عافية
انت اللي ما تنسايناش برك و طلي ساعة ساعة

samra05
10-06-2009, 12:23 AM
معليش اختي كريمه راني نستناك

daktari18
10-06-2009, 12:47 AM
السلام عليكم ورحمة الله وبركاته

أختي سمرا مل تتقلقيش و ماتفشليش و حنا تاني نحبوك و نعزوك ربي ليعلم و الحكايات ما قواهم ربي غير هما أحكي و اش يجي في بالك رانا خياتك والو ما

ما يقلقنا المهم أنت ترتاحي و نتعرفو على بعضانا بزيادة .

أختي مانو واش أخبار وهران كاش تحواس راكي تروحي le front de mer تاكلي لكرام أنا نحب بزاف لكرام تعهم و كاش بحر و لامزال .

أختي أرجو عفوكياربي و ين راكي توحشناك .

daktari18
10-06-2009, 12:51 AM
أختي كريمة أختنا مانو خافت لتنسايها في طبسي الطعام ايتوصي و تعاود بلاك تخلصي عليها الحوت و ال**كي

samra05
10-06-2009, 01:07 AM
اهلا بيك اختي ديكاتري اذا ممكن نهدرو علي مسن هذا هو نتاعيaya05@live.fr

daktari18
10-06-2009, 11:50 AM
صباحالخير على الجميــــــــــــــــــــــــــــــع

samra05
10-06-2009, 01:02 PM
صباح الخير يابنات

ارجو عفوك يا ربي
10-06-2009, 04:13 PM
السلام عليكم ورحمة الله وبركاته

كيف حالكم حنوناتي ان شاء الله رانكم لاباس

توحشتكم يا الغاليات بزااااااف ، نتمنى نسمع اخبار مليحة عليكم كاملين يا رب يفرح قلوبنا اجمعين بإذن الله

انا غبت عليكم صراحة النفسية غير اللهم لك الحمد ، زوجي سافر نهار الي كنت حابة نروح ندير حجامة ، والمشكل منعني نروح للمركز وحدي

وراني مسجونة في الدار وحدي بين 4 جدران ، ربي كريم

المشكل كنت ناوية نروح نشوف دكتور طيلوني هاذ الشهر غير السفر ديالو بسبب الخدمة عطلني ،ومانيش عارفة وقتاش راح يرجع

هو يقول سيمانة وربما اكثر ،تمنيت يجي قبل باه على لقل ندير خطوة ايجابية هاذا الشهر

غير نقول الحمد لله الخيرة فيما اختاره الله ،مانعرف فين الخير على كل حال

اما بالنسبة لتحاليل ديالي فحدث ولا حرج ،خرجت عندي مشكل جديد ههههههههههههه اصبحت نعاني من ارتفاع هرمون الحليب
اما التكيس نقص شوية هاذ الشهر ربما لاني داومت على القسط الهندي

راجلي قال لي احترنا معاك كل شهر طالعة بمشكل جديد ههههههههههههههه

بيني وبينك كي يكون مشكل في راجل المرأة مسكينة تقدر تصبر ،غير كي يكون مشكل في المرأة الراجل صعيب يصبر

الله يرزقنا كاملين

باين لي طولت في الكلام وكثرت ههههههههه سمحولي غير ما عندي لمن نحكي ونشكي

نخليكم على خير

في امان الله

manou10
10-06-2009, 05:25 PM
السلام عليكم ورحمة الله وبركاته شكرا لكم يا بنات لراكم تسقسيو علي سمارة كريمة دكتارى عفوك ربى واش حوالكم انا ماتلومونيش هاد ليمات منيش ندخل الانترنات على خاطر جاونى دارنا و رانى نتوحشتهم بزاف بزاف............................بزاف بصح نحاول نطل عليكم ساعة ساعة دكتارى واش نحكيلك على وهران راهى حية ليل و نهار رحنا للبحر2 مرات بصح كان الجو ماش مليح مطولناش

manou10
10-06-2009, 05:29 PM
عفوك ربى متقلقيش من هرمون الحليب على خاطر يروح فى سع انا كان عندى نفس المشكل قبل ما نرفد ببنتى والحمد الله ما طولش وراح كنت نشرب parlodel

samra05
10-06-2009, 05:45 PM
لا متقوليش هكه راكي اختنا لازم نسقسيو عليك ومعزتكم ربي عالم بيهرانا نونسو في بعض واش كش جديد عليك

samra05
10-06-2009, 05:48 PM
اختي مانو انت عندك طفله

samra05
10-06-2009, 06:10 PM
اختي مانو الله يخليللك بنتك ولعقوبه لبزاف دراري اسمحلي بزاف مشفتش لمساج نتاعك من قبل هليها معلبليش بلي عندط طفله ياربي يرزققك ببزاف اولاد

daktari18
10-06-2009, 06:25 PM
السلام عليكم ورحمة الله وبركاته

أختي أرجو عفوك ياربي ربي يصبرك و يقدرك على الغربة و المهم المودة و الرحمة و الحب بيناتكم و لنتمناها لكم ياربي تدوم و تشفاي و تفرحي راجلك ، أختي مانو

علسلامتهم داركم و عندك الحق بروفيتي معاهم و حوسي بيهم في وهران وسالينا عليهم و ماتنسايش سلميلي على وهران توحشتها بزاف و بوسيلي هديك

البوبونة ، أختي كريمة وين راكي.

karima25
10-06-2009, 09:00 PM
السلام عليكم يا بنات
وشراكم راكم ديما في البال و الخاطر ...و ربي عالم
و لكان ما دخلتش ما حكمتني عليكم غير الضروف
اختي داكتاري راني غير هنا ما عندي وين نروح من الدار ما نتخطاش ...فيها محياي و فيها مماتي ههههههههه.....استغفر الله العظيم

samra05
11-06-2009, 02:33 AM
تصبحون علي الف خير بنات

manou10
11-06-2009, 05:06 PM
السلام عليكم ورحمة الله وبركاته واش الاحوال يا بنات واش مدايرين مع السخانة...........سمارة انا عندى بنتى عندها عامين و سبعة شهور الحمد لله على هدة النعمةوانا حملت بعد 14 شهر من الزواج رغم انه زوجى عنده مشكل فى العدد و الحركة و درك ك حبيت نزيد ماكان والو نشاء الله يرزقنى ويرزقكم بالدرية الصالحة

daktari18
11-06-2009, 06:07 PM
السلام عليكم ورحمة الله وبركاته

تحية كبيرة للجميع ، و حب كبير للغاليات

ارجو عفوك يا ربي
11-06-2009, 07:28 PM
اللهم يارب العرش العظيم ربنا ورب كل شيء
فالق الحب والنوى ومنزل التوراة والإنجيل
اللهم إني أسألك بكل أسم هو لك سميت به نفسك
أو انزلته في كتابك او علمته احداً من خلقك او أستأثرت به في علم الغيب عندك
ان ترزقني وترزق أخواتي في الله الذرية الصالحة وكل من تتمنى
اللهم اعطنا من خيرك وأسعد قلبنا في الدنيا والاخرة
اللهم هب لنا من لدنك ذرية طيبه إنك سميع الدعاء
رب لا تذرنا فرداً وانت خير الوارثين
رب هبلنا من الصالحين وبشرنا بغلام حليم
يا أرحم الراحمين ويا اجود الأجودين يا مجيب دعوة المضطرين
يا قائلاً في محكم التنزيل : ( أدعوني أستجب لكم )
اللهم اليك نشكي ضعف قوتنا وقلة حيلتنا يا ارحم الراحمين الى من تكلنا الى عدو يتجهمنا
او الى قريب ملكته امرنا
ان لم يكن بك سخط علينا لا نبالي غير ان عافيتك اوسع بنا
اللهم شافنا بشفائك وداونا بدوائك وعافنا من بلائك اللهم
ارزقني وبنات المنتدى الذرية الصالحة المعافاة عاجلاً غير آجل
آمييين ... آمييين ... آميييين
اللهم هذا الدعاء ومنك الإجابه وهذا الجهد وعليك التكلان
ولا حول ولا قوة إلا بالله

daktari18
11-06-2009, 11:38 PM
أمين ، أمين ، أمين اللهم تقبل دعاء أختنا أرجو عفوك ياربي و منا يا أرحم الراحمين و ارزقنا و اياها الخلف الصالح.

karima25
12-06-2009, 01:31 PM
ااااااااااااااااامين اااااااااااااامين ااااااااااامين يا رب العالمين
اللهم ارزقنا ذرية طيبة انك سميع مجيب الدعوات
"اللهم اننا نسالك باسمك الاعظم الذي اذا دعيت به اجبت و الذي اذا سالت به اعطيت ...اللهم اننا نسالك ان ترزقنا الذرية الصالحة الطيبة السليمة المعافاة ان سميع مجيب الدعوات "
اللهم بارك لنا في ازواجنا و ارزقنا منهم الذرية الصالحة الطيبة يا مجيب الدعوات
اللهم منا الدعاء و منك الاجابة يا ارحم الراحمين
امين امين و صلى الله على سيدنا محمد و على اله و صحبه اجمعين

karima25
12-06-2009, 01:42 PM
جمعة م باركة على الجميع
و ما تنسو الدعاء ما بين الخطبتين و الدعاء في الساعة فبل المغرب
و تحياتي وللجميع

جزائرية
12-06-2009, 01:53 PM
جزاك الله خيرا اختي كريمة على التذكير
و رزقك المولى ذرية طيبة صالحة و جميع الأخوات

karima25
12-06-2009, 02:04 PM
ااااااااااااااااااامين اختي جزائرية
بارك الله لي و لكي و لكل اخواتي في الله و رزقنا الله الذرية الطيبة قريبا عاجلا غير اجل يا ارحم الراحمين
سبحانك اللهم لا الاه الا انت استغفرك و اتوب اليك
شكرا لك اختي على الدعوة الجميلة

daktari18
12-06-2009, 06:17 PM
السلام عليكم ورحمة الله وبركاته

جمعة مباركة ياغاليات

اللهم اغفر لنا دنوبنا و تقبل منا دعائنا انك سميع الدعاء

daktari18
13-06-2009, 11:27 AM
صباح الخير على الجميع

daktari18
14-06-2009, 11:42 AM
السلام عليكم ورحمة الله وبركاته

وينكم لبنات توحشناكم بزاااااااااااااااااااااااف

manou10
14-06-2009, 06:51 PM
السلام عليكم ورحمة الله وبركاته واش رحتو كامل فاكونس معدتوش تبانو خبرونا عن احوالكم كاش جديد......... انا رحت درت التحاليل انا و راجلى و مازال ايكو اطلبو ربى معاية يخرجو ملاحرانى على اعصابى و غدا نشاء الله نروح ندير ايكوقغافى

daktari18
15-06-2009, 12:37 AM
السلام عليكم ورحمة الله وبركاته

اختي مانو الحمدلله كيراكي لباس و ان شاء الله ياربي و يطلعو التحاليل و الايكوغرافي لباس و كيراهي هاديك الزينة ديالك بوسيهالي و ياربي و تطمنو انت و راجلك

و كيخرجو التحاليل طمنينا حنا تاني رانا نستناو في الاخبار بفارغ الصبر، اختي مانو انا هاد ليامات بديت نبحر السخانة عندنا في جيجل بزاااااااااف انا غير

بالكليماتيزور و منفعش.

karima25
15-06-2009, 07:46 AM
السلام عليكم ورحمة الله وبركاته
صبااااااااااااااااااح الخير على وجوه الخير
وشراكم يالبنات راني توحشتك بزاااااااااااااااااف
احنا هوما هوما .......ما كان حتى جديد ....ريمة كعادتها القديمة ....ههههههههه
ان شاء الله ربي يكون الخير يا رب و يفرح قلوبنا عاجلا غير اجل يا رحمان
اختي مانو يا رب يكونو التحاليل ملاح و ما يكون غير الخير
اختي داكتاري....واش مدايرة في العوانة و الروشي نوار .؟؟؟راكي مدايرة حالة ههههههههههه
مليح التبحار و الله سخفتيني
بصحتك يا اختي تبحري و ساعة ساعة ارميلنا شوية ماء تاع البحر نتبحرو معاك هههه

daktari18
15-06-2009, 01:20 PM
السلام عليكم ورحمة الله وبركاته

اختي كريمة و اش احوالك و الله انا تاني توحشتكم بزاف هدا العام العوانة مكان مكان فيها الاشغال نتاع الميناء بصح الشواطئالاخرى ما عندي منقولك ، اختي

كريمة انا و الاخت سمرا دخلنا مع بعض على سكايب و تحاكينا بالكام و تشوفنا و الله غزالة الله تبارك عليها و ستنيناك تدخلي باه نحكيو شوية .

karima25
15-06-2009, 09:44 PM
يا اختي داكتاري غير قوليلي وقتاش تدخلو باش نكون اون لاين انا تاني
مستنيتكم

karima25
15-06-2009, 09:46 PM
اعطيني ال pseudo تاعكم و كي ندخل نعمللكم روشارش

daktari18
16-06-2009, 12:02 AM
السلام عليكم ورحمة الله وبركاته

اختي كريمة daktari18 على مسنجر و daktari18000 على سكايب

daktari18
16-06-2009, 12:04 AM
أنا معظم الوقت سكايب و مسنجر مفتوحين تدخلي وقت ماحبيتي

daktari18
16-06-2009, 12:01 PM
السلام عليكم ورحمة الله وبركاته

واش احولكم لبنات ان شاء الله لباس ، أختي مانو ياربي ليكوغرافي يكون مليح ، أختي أرجو عفوك ياربي طولتي الغيبة طمنينا عليك توحشناك

daktari18
17-06-2009, 09:08 PM
السلام عليكم ورحمة الله وبركاته

لبنات وين راكم هدا الغيبـــــــــــــــــــــــــــــــــــة.

ارجو عفوك يا ربي
17-06-2009, 10:09 PM
السلام عليكم ورحمة الله وبركاته

كيف حالكم يا الغاليات ان شاء الله رانكم لاباس

سمحولي غبت عليكم ،والله بالي معاكم ، ان شاء الله نسمعو اخبار مليحة يا رب عن قريب

انا والله غير الملل وضيقة حاكمتني بسبب حبوب هرمون الحليب ،راني وحدي الله يستر غير نبكي

استغفر الله العلي العظيم، حاسة الدنيا مقفولة في وجهي اعوذ بالله من الشيطان الرجيم

البارح رحت دكتورة لان مستوصف قريب لداري نمشي غير بالرجل ، قلت نستغل الوقت نخليها تدير لي سونار بما انني في منتصف الدورة

على جال انا عندي ضعف تبويض ، قلت ربما يحن علي الله ويكون عندي تبويض ههههههههه نحلم هو بالتنشيط وبالعافية نلقاوهم هههههههههه

قالت لي نوضي روحي لبيتك ما عندك ريحة حتى ديال تبويض هرمون الحليب داير عمايله + حتى التكيس باين وواضح بالمبيضين

وراح نستنى حتى الشهر القادم ويصير خير يارب


سلامي ليكم كلكم
ونتمنى نبقاو مجموعين نخفو على بعضنا ونتشاركو الافراح والاحزان مع بعض
اختي ديكتاري تحية خاصة ليك يا الغالية ديما متفركتيني وحسستيني اني وحدة منكم شكرا بزاف اختي

daktari18
18-06-2009, 04:28 PM
السلام عليكم ورحمة الله وبركاته

اختي ارجو عفوك ياربي و الله ياختي تاكدي بانك راكي وحدة مننا ، اختي و الله انا تاني هاد ليمات مانيش مليحة صرات ضروف قلبتنا كامل حياتنا يمات راجلي

مسكينة مريضة بزاف غير لعمر بيد ربي و خلاص و الطبيب بلغهم يدوها لدار و يخلوها معندهم حتى دواء فالمرحلة هادي وتحتمت الضروف باه راجلي سافر

لوهران وحدو انا ماقدرتش ماما تاني مريضة و ما تشوفش ورانا في اتصالات مع بعضنا قولي كل دقيقة ربي يكون لفيه الخير برك و ادعولي ربي يشفيها

karima25
18-06-2009, 05:16 PM
السلام عليكم ورحمة الله وبركاته
اختي ديكاتري
ربي يشفي يماك و يشفي يمات زوجك يا رب و اشفي جميع المومنين
ربي يعطيك الصبر و يجازيك خير يا رب
غير الصبر هو كلشي في هذا الدنيا ...و كل واحد واش ابتلاه ربي ...نقولوا ربي يمتعنا بصحتنا و ابصارنا و الباقي كلو يفوت
ربي يكون معاك و يعطيك الصبر يا رب
و يا رب يشفي مرضاكم و يشفي جميع مرضى المومنين يا رب العالمين

karima25
18-06-2009, 05:21 PM
اختي ارجو عفوك يا ربي
ربي يشفيك و يكون معاك يا رب
و جربي شوية اعشاب عندكم بالمغرب كاينين نسوان شاطرات بهذي الامور
يعني زي عشبة الميرامية و الخزامى و القرنفل و البردقوش ووو
اعملي بريمات كيما نقولوا احنا
لكان حبيتي نكتبلك الوصفة اللي قلتلك عليها نكتبهالك ...مليحة لتنظيف الرحم و تقوية المبايض
قوليلي برك لاكان يهمك الامر و انا راني جاهزة
ربي يشفيك

daktari18
18-06-2009, 05:26 PM
اختي كريمة واش احوالك و احوال راجلك ان شاء الله لباس و الله توحشناك و ربي يعيشك و يهنيك انت تاني.

karima25
18-06-2009, 06:25 PM
و الله يا اختي داكاتري نحمدو ربي على كل حال
انا راني قلقانة مووووت ما فهمتش وعلاش ...هكذا موضوع الدراري كل ما نتفكرو يقلقني و يخليني في ضيق كبير يعلم بيه غير ربي
و الله تعبت يا اختي ربي يرفع عنا الضرر و يفرج علينا عاجلا غير اجل يا رحمان
اما راجلي والو ما خصو سالي عليا انا اللي راني مقهورة معاه في هذيك الدار
ربي يفرج عليا من كل جهة و على كل المومنين يا رب العاليمن
مشكورة حنونتي ربي يكون في العون
تحياتي

daktari18
18-06-2009, 10:17 PM
اختي سمرا توحشناك طولتي الغيبة ان شاء الله المانع خير

samra05
19-06-2009, 03:32 AM
مرحبا بنات والله وحشتوني وشكر اختي ديكاتري علي سؤالك علي والله فرحتني الحمد لله عندي واحد كي نغيب يسقسي عليا والله كنت عند سلفتي كانت مريضه راهي تتوحم لعقوبه ليكم جميعا وطبيب منع عليها تمشي وهي عندها اولاد ماكانش شكون يديهم ليكول عليها روحت عندها نعونها ونديلها اولاد ليكول قعد غير اليوم روحت باسكو دوره هبطت وغدوه نبدا في ابر تنشيط مرسي اختي ديكاتري ونتلاقو غدوه في سكايب راني توحشتك بزاف

karima25
19-06-2009, 01:31 PM
السلام عليكم ورحمة الله وبركاته
اختي سمرا الحمد لله على سلامتك طولتي الغيبة توحشناك
ربي يوفقك هذا الشهر و تكون نتيجة مليحة
اختي ديكاتري
واش حوالك وواش حوال عجوزتك ؟؟ربي يجعلها الشفا يا رب
و كل البنات واش حوالكم ؟؟؟الصيف جبدتكم علينا ؟؟؟
ان شاء الله تكونو كامل لاباس و بخير و عافية
جمعة مباركة عالجمييييييييييييييييييييييييييييييييييع

samra05
19-06-2009, 02:24 PM
مرحبا بنات جمعه مباركه يابنات والله يشفي ام زوجك اختي ديكاتري ويرزقنا جميعا وشواحواللك اختي كريمه وهل بداتي العلاج ولا مازال

daktari18
19-06-2009, 05:37 PM
السلام عليكم ورحمة الله وبركاته

جمعة مباركة للجميع ، اختي سمرا الحمد لله كراكي لباس ، أختي كريمة و الله عجوزتي مسكينة غير مريضة و مريضة بزاف كيما راهي ميتعرف حتى واحد غير ربي

يستر و الله ياختي غير عجوزتي مليحة بزاف و انسانة طيبة بزااااااااااااف و الله ربي يلطف بها و بنا .

ارجو عفوك يا ربي
19-06-2009, 07:33 PM
السلام عليكم ورحمة الله وبركاته

جمعة مباركة يا احلى اخوات، يا رب يتقبل دعائنا ويرزقنا ذرية صالحة من لدنه انه سميع الدعاء

اختي كريمة : شكرا على اهتمام ربي يجازيك بخير، اكيد اختي غير اكتبي لي الوصفات ان شاء الله نطبقها
وكما قلتي صح عندنا اعشاب نسموهم المساخن ملاح بزاف غير ما عندي ، غير وصيت عليهم العائلة كي يجي حد
في رمضان للعمرة يرسلوهم لي معاهم، وان شاء الله كلنا حوامل قبل رمضان


حنونتي ديكتاري: ربي يشفي يماك وعجوزتك يارب ، اللهم رب الناس اشفهم و اذهب الباس ، انت الشافي لا شفاء الا شفائك
شفاءا لا يغادره سقما

اختي سمرا: واش راك ان شاء الله لاباس موفقة اختي في مشوار ترجيع الاجنة الله يتمم عليك بخير ويتنجح عمليتك
وتبشرينا بالخير


اختي مانو : طمنينا عليك وعلى تحاليل ديالكم ،سلامي وقبلاتي لكتكوتة ديالك



سلامي وتحيتي لبقية الاخوات الغايبات

daktari18
19-06-2009, 10:35 PM
السلام عليكم ورحمة الله وبركاته

اختي مانو غابو خبارك واش التحاليل و ليكوغرافي ان شاء الله لباس.

karima25
20-06-2009, 11:06 AM
اختي سمرا
انا لاباس و الحمد لله على كل حال
هذا الشهر عندي غير دوفاستون نشربوا و الشهر الجاي ان شاء الله عندي منشطات كي ما تعرفي
واش تحبي هذا ما كتبلنا ربي في هذا الدنيا
و الحمد لله على كل حال
ربي يوفقك في ترجيع الاجنة يا اختي سمرا

karima25
20-06-2009, 11:19 AM
اختي ارجو عفوك يا ربي
هذا الوصفة تاع الاعشاب داروها جداتنا من قبل و يقولو مليحة تنحي الهوا من الرحم لاكان عندك برودة او شي حاجة و تفيد المبايض ككل
بعد الدورة جيبي من عند العشاب عشبة ...الفيجل+الميرامية +الزعتر +الزعيترة+علك الصنوبر+عشبة اما مريم+الماغرامان+الشيح+الحلبة+الدفلة+اكليل الجبل+تاسلغا+الفاسوخ عروق+البابونج+الخزامى
و تجيبي برمة يعني القدر اللي نعملو فيه الطعام او ال****ي ...و تحطي من كل عشبة شوية و تحطي البرمة تغلي فوق النار و تغلقيها مليح بقطعة قماش و الغطا باش ما يخرجش الفار نتاعها كي تغلي و اديها وين ترقدي و البسي قندورة عريضة من تحت و دخلي البرمة تحتك و حليها يطلع البخار من تحتك حتى تعرقي مليح مدة 10 دقلايق و من بعد لفي روحك مليح بايزار و حطي فوطة من تحت و ارقدي حتى للصباح
و كرري العملية 4 او 5 مرات كل ليلة و من بعد تعملي خليط من عشبة الخزامى و الميرامية و الزعتر و الزعيترة و القرنفل و هرسيهم مليح و خلطيهم مع زيت زيتون و حطي شوية في الكومريس ...(شاش جراحي )...و اربطيه على شكل سرة بخيط طويل و اعمليها كتحميلة مهبلية داخل المهبل و ترقدي بيها حتى للصباح كي تنهضي اسحبي الخيط حتى تخرج السرة
و كرري العملية مدة 3 او 4 ليالي
و بالشفا عليك يا اختي و ادعيلنا معاك ربي يفتح علينا كاااااامل عن قريب يا رب العاليمن
تحياتي

daktari18
20-06-2009, 11:58 AM
صباح الخير على الجميــــــــــــــــــــــــــع

karima25
21-06-2009, 04:19 PM
وينكم يا البنات
غبتو مرة وحدة
وينك يا اختي ديكاتري الصفحة ظلمة بغيابك
انت اللي مدايرة لوميونس في هذا التجمع ربي يجازيك كل خير عنا
و اختي سمرا واش حوالك مع الابر و الترجيع
ربي معاك و ربي يثبتلك الاجنة ديالك يا رب
و لعقوبة كي نباركولك بالحمل
و باقي لبنات وين راكم ؟؟
ولا الصيف صيف و البحر و التحواس ههه
بصحتكم
سلام

daktari18
21-06-2009, 11:12 PM
السلام عليكم ورحمة الله وبركاته

أختي كريمة ربي يخليك و يعيشك و انتوما تاني منورين هدا المنتدى و الله ماحكمني عليكم غير الضروف لحكيتلكم عليها و بالحق توحشت راجلي يعني هدي هي ا

الحقيقة ههههههه.

manou10
21-06-2009, 11:26 PM
السلام عليكم ورحمة الله وبركاته واش احوالكم يا بنات توحشتكم بزاف , انا اليوم كان رونديفو تاعى مع الطبيب الحمدلله التحاليل تاعى طلعو ملاح و تاع راجلى الهرمونات ملاح لكن العدد.................. ديما ناقص الحمدلله على كل شىءزادت عطاتنا تحاليل اخرى و قالتنا لازم نعملوvif على خاطر العدد قليل و مالزمش نستناو بزافو عطاتنى رونديفو تانى يوم تاع الدورة باش ندير كونترول و ندير راديو تاعles trampes .....ليكوقغافى تانى مليح غير l'endometre شوية سميك(هكدا قالتلى) و عطاتنى glucofage وواحد تانى هرمون قالتلى باش البويضة تكبر مليح هده هى كل اخبارى الحمدلله على كل شىء نشاءالله تعطونا اخباركم نتوما تانى واش جديد الدواء معاكم

manou10
21-06-2009, 11:28 PM
واش احوالك دكتارى نشاء الله لاباس

daktari18
22-06-2009, 12:47 PM
صباح الخير للجميع، اختي مانو الحمدلله على النتائج و ربي يكون الخير و انا الحمدلله على ماعطا نا الله

karima25
22-06-2009, 09:01 PM
اختي داكتاري
ههههههههه ضحكتيني كي قلتي توحشت راجلي
عندك الحق انا تاني كون نصيبو ما يتحركش من قدامي كي يخرج عندو شغل نقلق حتى يرجع
ربي يصبركم و ربي يشفي مرضاكم يا رب
كلشي بالكوراج يعدي يا اختي داكتاري
ربي معاكم

karima25
22-06-2009, 09:06 PM
اختي مانو
الحمد لله ان التحاليل سليمة و ما فيها والوا
ربي يرزقكم و يرزقنا اجمعين
البنات حبيت نسقسيكم على البرا تاع l'estérole كذا سمعت بصح منيش عارفة واش الدور نتاعها؟؟
ربي يرزقنا عاجلا غير اجل يا رب

daktari18
22-06-2009, 10:42 PM
السلام عليكم ورحمة الله وبركاته

اختي كريمة هادي لبرة ماسمعتش بيها انا درت راديو يسميوه éstero و هو راديو نتاع les overs .

ارجو عفوك يا ربي
22-06-2009, 10:54 PM
السلام عليكم ورحمة الله وبركاته

كيف حالكم يا الغاليات

اختي كريمة شكرا بزااااااااااف استفدت منك ومن الوصفات ربي ينولك الي في بال
بالنسبة للابر والله ما عرفتها ان شاء الله بنات يفيدوك اكثر مني

حنونتي ديكتاري : واش حوال يماك وعجوزتك ان شاء الله لاباس
الله يسمعكم خبار خير يارب يرد لك راجلك بصحة وعافية

ارجو عفوك يا ربي
22-06-2009, 10:57 PM
اختي مانو: الحمد لله كي تطمنى عليك، ويارب تتحسن تحاليل زوجك ويزقك ربي باشقاء لكتكوتك يارب

اختي سامرا فين غبورك طمنينا عليك، الله يوفقك في مشوار ترجيع الاجنة يارب

سلامي لبقية البنات الغايبات

daktari18
23-06-2009, 02:06 AM
أختي أرجو عفوك ياربي شكرا على هادي الدعوات و انتي تاني ربي يفرحك و يهنيك.

daktari18
23-06-2009, 02:10 AM
حبيبتي سمرا تهلاي في روحك هاد ليمات متعبيش نفسك و متتقلقيش و ربي معاك.

daktari18
23-06-2009, 02:12 AM
تصبحو بخير حبيباتــــــــــــــــــــــــــــــــــي

ارجو عفوك يا ربي
23-06-2009, 07:24 AM
لكم أنتم دون الغير
أرسل لكم همسة مع أجمل طير
يقول لكم عنى صبحكم الله بالخير

karima25
23-06-2009, 08:02 AM
السلام عليكم ورحمة الله وبركاته
اختي ارجو عفوك يا ربي
ان شاء الله تفيدك الوصفة و يتحسن عندك التبويض
اختي داكاتري
انا سمعت عن ابرة ماشي ايكوغرافي
خلي يمكن اختي سمرا علبالها بيها و تفيدني ان شاء الله و شكرا لك
اختي سموووورة وينك واش هاد الغيبة طلي علينا ساعة ساعة و قوليلنا وين عدتي ؟؟
ربي يوفقك في ترجيع الاجنة هاد المرة و تحملي يا رب
تحياتي للجميع

manou10
23-06-2009, 12:58 PM
صباح الخير على وجه الخير انا عندى طلب منكم فهمونى فىvif كيفماه يدارو هل كمتنجحش الاولة يعاودو نفس الطريقة على خاطر سمعت بلىيديرو تخدير كاملو هل فى كل مرة تخلسو نفس القيمة

samra05
23-06-2009, 03:34 PM
مرحبا بنا ت شكرا كعاد راكم تسقسو عليا والله راني مع الابر وليكوغرافي كل يوم تحليل دم ورنديفو نتاع طبيبه والابره يعني والله مانقعد غير نطل شوي علي انترنات ونشوف اخباركم ونروح مهم اختي ديكاتري ربي يشفي مرضاكم وراني توحشت نهدر معاك في سكايب علبالي معنديش داله مع راجللك كعاد توحشتيه معليش راني نستني دالتي هههههههههههه مهم راني كي نرجع الاجنه راني نخبركم مهم دعولي يابنات يرزقنا ربي جميعا

samra05
23-06-2009, 03:38 PM
اختي كريمه والله ماعندي علم بهذي ابره بصح ان شاء الله نسقسيللك عليها ان شاء الله يرزقنا الله جميعا يارب

daktari18
23-06-2009, 08:48 PM
السلام عليكم ورحمة الله وبركاته

كيراكم حبيباتي ان شاء الله لباس ، اختي سمرا ربي يتمملك بخير وان شاءالله نتلاقاو على سكايب و نحكيو شوية انا تناني توحشتك و راجلي الحمد لله رجع اليوم

من السفر و ربي يعيشكم و يخليكم ليا هكدا و لينا عائلة وحدة ربي يدوم لمتنا و ان شاء الله كاش نهار نتلاقاو كامل مع بعض .

daktari18
23-06-2009, 08:52 PM
اهلا اختي كريمة واش احوالك

daktari18
23-06-2009, 08:54 PM
اختي كريمة المورال طالع غاية اليوم خاطر راجلي دخل من السفر الصراحة راحةهههههههههههه

karima25
23-06-2009, 08:56 PM
السلام عليكم ورحمة الله وبركاته
اختي سمرا
عالعموم كثر خيركم و لو انكم ما تعرفوهاش
المهم نسقسي عليها حتى نفهم واش هي
ربي يرزقنا اجمعين و ربي يرزقك يا اختي سمرا
ادعي ربي ليل و انهار و صدقي على روحك باش ربي يرزقك و يثبتلك الاجنة ديالك
و اللي جابو ربي فيه الخير لينا اكيد
ربي يوفقك و طمنينا عليك كل مرة
باااي

daktari18
24-06-2009, 12:19 PM
صباح الخير لبنات كيصبحتو ان شاء الله لباس ، أختي مانو فيما يخص واش سقسيتينا انا لقيتلك موضوع بلاك ايفيدك دخلي هدا السيت ممكن توجدي واش

تحوسي عليه
grossesse assistéeو مبعد متوجدي السيت ادخلي موضوع -

les techniques de procréation médicalement assistée

manou10
24-06-2009, 08:23 PM
شكرا كتير دكتارى انا اليوم خرجو التحاليل تاعى و تاع راجلى la serologie و نهار الاتنين نشاء الله نرجعهم للطبيبة حسب فهامتى انا ملاح والله اعلم

manou10
24-06-2009, 08:28 PM
يا بنات انا من الغد رانى غايبة حتى الاتنين نشاء الله رايحين الى مستغانم نعقبو ايمات نبدلو جو نشاء الله ك نرجع نلقى عندكم اخبار تفرح و تطلع المورال والله انا كنت نستنى باش نبعد شوية عن الطبة راهم جراونى

daktari18
24-06-2009, 10:18 PM
السلام عليكم ورحمة الله وبركاته

اختي مانو ان شاء الله يكونو التحاليل ملاح و ربي يوفق و عندك الحق روحي حوسي و نساي شوية الطبة و الدواء و حاولي قدر الامكان تبروفيتي بهاد ليامات

انت و راجلك و الطفيلة نتاعكم و ياربي يدومها صحة و مودة و رحمة بيناتكم رحلة ممتعة مستغـانم شابة بزاف .

ترجعيلنا بالف خيــــــــــــــــــــــــــــــــــــــــــــــر.

daktari18
25-06-2009, 01:09 AM
تصبحون على خيــــــــــــــــــــــر

daktari18
26-06-2009, 12:19 PM
السلام عليكم ورحمة الله وبركاته

جمعة مباركة للجميـــــــــــــــــــــــــع.

ارجو عفوك يا ربي
26-06-2009, 09:20 PM
السلام عليكم ورحمة الله وبركاته

كيفكم حنوناتي ان شاء الله يدخل علينا شهر رجب بالخير يارب
ويكون شهر الافراح وتباشير الحمل بإذن الله

انا غبت عليكم ، حمد لله رحت درت عمرة ولله الحمد ربي يتقبل مني ومن جميع المسلمين
والله يتقبل دعائي ودعاء جميع المسلمين راني ما نسيت كل اخواتي في الله بالدعاء

اسأل الله عز وجل ان لا يبلغ رمضان الا وكلنا حوامل انه على كل شئ قدير


ربي لا تذرني فردا وانت خير الوارثين

karima25
28-06-2009, 02:33 PM
ااااااااااااااااااااااااااامين يا اختي ارجو عفوك يا رب
ربي يتقبل منك و منا صالح الاعمال و ربي يرزقنا قبل ما يدخل ومضان و نكونوا حوامل يا رب
ربي لا تذرنا فرادى و انت خير الوارثين

karima25
28-06-2009, 02:45 PM
الحمد لله يا اختي ديكاتري على رجعت زوجك ليك سالم غانم و ربي يهنيكم مع بعضاكم و ربي يملا عليكم الدار بنات و دكورة
يا رب اجمعين
و الله راني لاباس نحمد ربي واشي فسدتنا انفلونزا الخنازير ربي يعافينا منها ...فسدتنا الصيفية و التحواس رانا خايفين نروحو للبحر على خاطر هذا المرض يعدي و يكون يعوم في البحر واحد مريض راح يعدي اللي قدامو كامل
امالة رانا صابرين و قاعدين في ديارنا و خلي السخانة تاكلنا على روحها المهم الانسان يتفادى هذا المرض الخطير ربي يسترنا منو
و انتوما واش مدايرين في جيجل ؟؟
ماكان حتى احتياطات ؟؟؟

daktari18
30-06-2009, 08:54 PM
السلام عليكم ورحمة الله وبركاته

اهلا بيكم لبنات و اش احوالكم و عمرة مقبولة اختي ارجو عفوك ياربي ، كريمة احنا في جيجل كاين احتياطات بصح الناس ايتتبحر و الله ينجونا من هاداك المرض

انا ياختي كريمة و الله اليوموين دخلت من السفر عجوزتي توفاة بالجمعة روحنا فالليل باش نوصلو على الجنازة بالسبت الله يرحمها ، اختي سمرا كيفاش مع الدواء.

manou10
01-07-2009, 09:13 PM
مساء الخير على الوجوه الحلوة والله توحشتكم بزاف كراكم واش اخباركم وربى يرحم عجوزتك يا دكتارى

daktari18
01-07-2009, 09:51 PM
اهلا بيك مانو و على سلامتك ان شاء الله تمتعتي بهاد ليامات .

daktari18
02-07-2009, 10:31 AM
صباح الخير على الجميــــــــــــــــــع

karima25
02-07-2009, 09:35 PM
السلام عليكم ورحمة الله وبركاته
واش راكم يا وجوه الخير ؟؟
توحشتكم بزااااااااااااااف ربي عالم
اختي ديكاتري
الله يرحم عجوزتك و يسكنها فسيح جناته...ان لله و ان اليه راجعون
الله يصبر راجلك على فقدان امه ...ربي يرحمها و جميع موتى المسلمين
واش راكي مدايرة ؟؟؟و الله القلقة مع العشية تقتل ...الله يصبرنا
انا كنت غايبة في دارنا اليوم وين جيت ...رتحت شوية من الغمة و الدمار هههههههههههههههههههههه
ادعولي ربي يفك ضيقتي يا لبنات

daktari18
03-07-2009, 01:39 AM
أختي كريمة ربي يتقبل منك و ربي يعيشك ، أختي كريمة انا تاني توحشتك و توحشت لبنات بزاف و الله والفنا بعضانا و الله يدومها ولف امين يارب العالمين ،

ياحنونة ربي يفرج عليك من هادي الضروف لعايشاتها و يهدي جميع الناس لواقفين في طريقك.

daktari18
03-07-2009, 11:17 AM
جمعة مباركة على الجميــــــــــــــــع

daktari18
04-07-2009, 10:58 AM
صباح الخير بنات و ينكــــــــــــــــــــــــــم

karima25
04-07-2009, 12:26 PM
السلام عليكم ورحمة الله وبركاته
ااااااااااااااااامين يا اختي داكاتري
ربي يفرج علينا اجمعين
و انا اليوم شرفت عندي الضيفة الغير مرغوب فيها ربي يعوض عليا الشهر الجاي يا رب اجمعين
وين راهي سمرا و الله توحشتها غابت و ما خبرتناش واش دارت فيها مع الترجيع ...ربي يوفقها و يرزقها عن قريب يا رب اجمعين
اختي مانو كيف غابت علينا
و اختي ندى72 ما نعرف واش دارت فيها ربي يثبت اجنتها و يرزقها يا رب
و باقي لبنات ما تقطعوش لمتنا ربي يدومها لمة خير يا رب

ندى72
04-07-2009, 07:03 PM
السلام عليكم ورحمة الله وبركاته
واش راكم ياالبنات والله توحشتكم بزاف بزاف
والله ربي ليعلم بالشىء لكنت فيه وكنت عند اهلي وهوما ماعندهمش الانترنات
انا عملت عملية مند شهر والحمد الله انا الان بخير
بصح يالبنات كنت رايحة نروح فيها لولا الاجل مزال وستر ربي
انا كيما علابالكم عملت تلقيح مجهري وحملت وكنت تعبانة بزاف والسطر مدير فيا حالة والنزيف تاني
والطبيب ربي يسامحو شاف الحمل لداخل الرحم
ومشافش الحمل لخارج الرحم مع اني عندي كل الاعراض تع حمل خارج الرحم حتي انفجر الانبوب وكنت رايحا نموت لولا العمر مزال الحمد لله ودخلوني طول
لغرفة العمليات ونحاولي الانبوب المنفجر ووقفولي النزيف تقريبا لتر من الدم متجمد وسائل
وعملولي عمليت تنضيف للجنين الي في الرحم للاسف مكانش يكبر مليح ع** الي كان في الانبوب كبر حتي فجر الانبوب ودامت العملية تقريبا 3ساعات
وبعد العملية والله يابنات شفت الموت بعيني من انمياء حادة والالم الجرح بصح دوك الحمد لله الحمد لله
هدا كل شيء صار معي ياالبنات والله كنتم اوكل في بالي وتوحشتكم بزاف بزاف ونشكر اختي كريمة لسوئلها علي وكل البنات
ونسائل الله انا يرزقنا بالدرية الصالحة بدون عمليات عاجلا غير اجلا يارب
اللهم اجرني عن مصيبتي واخلافني خيرا منها يارب

daktari18
04-07-2009, 09:31 PM
السلام عليكم ورحمة الله وبركاته

أختي ندى الحمدلله على كل حال و ربي يعوضك خير و الحمدلله على سلامتك ، الانسان كيتعرض لحوايج كيما هادو يقو ل الصحة قبل كل شيء ، امانشكرو ربي

كيمنعتي و رجعتي لينا سالمة .