المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : ترهل البطن بعد الولاده


Butterfly
01-01-2006, 11:28 AM
السلام عليكم ورحمة الله وبركاته

انا في الاسبوع ال 38 من حملي الاول واجهز لما بعد الولاده.. واريد اعرف شو احسن الحلول في ارجاع البطن لسابق عهده :eek: وهل المشد اللي يلفونه عالبطن يضر؟؟

افيدونا الله يزيكم خير

e39aaar
01-01-2006, 05:17 PM
الغالية المشد له اضرار كثيرة مع انه اهلنا زمان كانوا يستعملونه
بس اهو ماله اي فايدة غير انه يضغط البطن افترة و بعدين يوم تفكينه بيترهل اكثر

انصحج بتمارين البطن اللي الصراحة مافي مثلها
و الله الموفق

Butterfly
01-01-2006, 05:29 PM
مشكوووره يا اختي عالرد .. والله يوفقنا جميع

7ala123
04-01-2006, 11:04 PM
مرحبا يا اختي

الله يقومك بالسلامه وتكون ولادتك ميسرة انشاء الله
انا ولدة من 7 شهور وبصراحه بعد الولاده اتفاجاءة ببطني انوا كان مترهل وفاضي ما بعرف كان شعور غريب بس نصحوني بالمشد للبطن لاكن بعد الاربعين يوم لانوا قبل كذا ممكن ياثر على الرحم لاكن بعد الاربعين بيكون الرحم رجع لوضعوا الطبيعي ومافي مشاكل باذن الله

وبرضوا تمارين البطن بس بدون ماتجهدي نفسك والنوم على بطنك كل ماتقدري برضوا بيساعد على اختفاء البطن

وكل هادا يهون بس اتشوفي البيبي لصغير وتكون صحتك بخير انشاء الله

وسلامتك...................... حلا :sss

Butterfly
04-01-2006, 11:23 PM
ماتقصرين اخت حلا .. انا بعد كنت حاطه في بالي اني بستخدم المشد لبطني بس اعصار خوفتني منه.. :eek: الله يعينا بس!!! ويوفقكم جميع ان شالله

:D

غناة الروح
04-01-2006, 11:29 PM
السلاااااااام علييييكم ..
حبيبتي Butterfly

أولا انا ولدت بالشهر السابع يعني ولادة مبكره .. وما كان بطني كبير وايد حتى مو مبين اني حامل لاني عريضه انا .. وبعد الولاده رحت على الصيدليه واشتريت المشد واستخدمته لمدة اسبوع .. ولما قلت لزوجة عمي عنه .. قالت مو زين تحطينه عشان الرحم .. فخوفتني وما صرت احطه .. لأاني انا قبل ما احمل كان عندي الرحم منقلب والنفس نازلة وما حملت الا لما رحت عند المراخه وعدلت الرحم .. فلما قالتلي خفت وايد وتركت المشد وما استخدمته الا اسبوع ...
ولما كلمت الدكتوره قالتلي احسن شيء تسوين تمارين البطن للمرأة الوالد وعطتي كتيب عن هالتمارين .. وما نصحتني بالمشد

تحياتي :
غنــــاة الروح

Butterfly
05-01-2006, 09:09 AM
وعليج السلام والرحمه اختي غناة الروح مشكوره عالرد .. الحين صرتو 2 ضد المشد و 1 مع المشد :p انا اللي خلاني افكر في المشد من البدايه هيه خدامتنا الاندونيسيه .. تقول هم يلفون بطنهم بخلقه ويربطونها وماشالله عليها عيوز بس غزال .. مافيها اي ترهل ولا زوائد متدليه :D يا حظها اللهم لا حسد

بنت الغربه
05-01-2006, 11:46 PM
انا ضد المشد بعد الولاده لأنه بضر اكتر من مبفيد بعدين سبحان الله الرضاعه بتساعد الجسم انو يرجع زي مكان خصوصا البطن ولا تنسي حبيبتي اجسام الأندونيسيات مش زي اجسامنا نحن العربيات :d

om hani
06-01-2006, 05:19 AM
صحيح أفضل شيء التمارين الخاصة بالبطن بدل ما تستعملي المشد وتضغطي أعضاءك الداخلية,بس وين النشيطة فينا الي تلعب رياضة :)
أحنا العربيات كسولات من ناحية الرياضة,
ياترى ليش شغل البيت لا يعتبر رياضة؟ :rolleyes:

Butterfly
06-01-2006, 01:38 PM
مشكورات اخواتي على ردودكن .. بنت الغربه و lily75 .. واشوف الاغلبيه ضد المشد .. :o الرياضه طبعا لابد منها .. وشغل البيت فيه حركه شوي و وقفه وانتي تطبخين شوي وجلسه وانتي تكوين شوي و نوم شوي وانتي تنتظرين الغساله لين تخلص :p لا وهذا كله اذا ماعندج خدامه من الاصل واغلب الحريم عندهن :D .. والذكيه اللي ترتب شغل بيتها بطريقه معينه ماتكون عشوائيه فتخلي الشغل اللي فيه حركه لمدة 40 دقيقه الى ساعه متواصل .. يكون الجسم حمى وبدا يحرق وفترة حرق الدهون توصل لذروتها وترتاح او تسوي شغله فيها جلوس او راحه اكثر .. وترجع تشغل عضلاتها مره ثانيه :cool: واللي تبا تريح مخها من هالشغله كلها تروح النادي مثل ما انا باذن الله ناويه :good

فكر العنوان
06-01-2006, 02:47 PM
مافيه احسن من الرياضة ...

والله يقومج بالسلامه حبيبتي ..

Butterfly
06-01-2006, 04:14 PM
فكر العنوان ماتقصرين .. والله يسلمج :)