المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : كم استفسار عالماشي للامهات الحلوين ... من ام ناصر


أم ناصر 81
19-12-2005, 03:34 AM
السلام عليكم و رحمة الله و بركاته ,,,

حبيباتي و اخواتي العزيزات ... هاليومين بدخل شهري الثامن انشاء الله ,,, والله مشوار مو سهل هالشهور الي مرت ... الله كريم وقادر ييسر الي بقى ... عموما حبيت اطرح كم موضوع جديد لاحظته ... موضوع المغص وايد زايد عندي ... وكمان صابتي الفلونزا صار لها يومين طبعا ما اقدر اخذ اي نوع علاج ... حاليا انا مداومه على عصير الليمون و البرتقال ... بشنو بعد تنصحوني اسوي ... و بسالكم هل ابو فاس او فكس ... هاذي المراهم مالت اللوز او البلاعيم ممكن تاثر على الجنين ؟؟؟ لاني استخدمها و تريحني و اقدر انام ... وهل طبيعي اني احس ان البيبي متركز على يميني ؟؟ احس فيه بس متركز على اليمين ... و رقبتي طالعلي فيها خطوط غامقه اسمر من لون بشرتي ... كل الي يشوفني بلاحظها ... وكمان احس باسمرار صدري و منطقة الاباط ... و بطني بعد ... هل هذا طبيعي ؟؟ حبيباتي الي عندها فكره عن هالامور ياريت تفيدين و تفيد الجميع ... و مشكورين مقدما ... :)

e39aaar
19-12-2005, 10:06 AM
حبيبتي الله يسهل لك على خير

اولا الاسوداد في هالمناطق اللي ذكرتيها عادي و لا تحاتين لان ان شاء الله بعد الولادة بفترة شهر او شهرين بتروح تدريجيا

اما عن تمركز الجنين في الجهة اليمنى فعادي جدا لان المكان ضيق عليه (( فديت روحه ))

و حبيبتي و انا عادي استعمل فكس و هو ماله مضرة ابدا عالجنين

و بعدين حبيبتي منو قال لج انج ما تقدرين تاخذين علاج
لازم تروحي العيادة و بيعطوج مضاد حيوي خاص بالحوامل تاخذيه و الله يشفيج لانه موب زين الانفلونزا عالجنين في الشهووور الاخيرة ممكن ينعدي

أم ايمان
19-12-2005, 10:43 AM
ما تشوفين شر أم ناصر... والله يعطيك العافية

بالنسبة للون المناطق اللي ذكرتيها عادي وبيروح عنك بعد الولادة ان شاء الله

اما الانفلونزا فروحي المستشفى افضل

وخطاك الشر

فـــــــــــرح
20-12-2005, 04:40 AM
سلامتك ياام ناصر ..

ومثل ماقلتي المشوار مو هين بس هاذي ضريبة الامومه ..وفات الصعب مابقي الاشوي

بالنسبه للمغص في كثير من الاخوات يشتكون منه ولو دخلتي دردشة الحوامل بتشوفين هالشيء ..ويقولن ان السبب

هو توسع الرحم بس طبعا لازم تحرصين انه مايزيد ويتكرر كثير ..

ومايكون في افرازات كثيره او مصحوبه بخيوط دم ..والسواد اللي تتكلمين عنه خليها على الله بس

انا نفس الشيء ..ورقبتي كمان صارت تحكني ..وبطني فيها تشققات .. ويقولون ان زيت الزيتون كويس لها

بس الحلو في الموضوع ان شعري صار يطول اسرع ..وشكله كثيف وحلو ..,,

أم نوره
23-12-2005, 02:17 PM
سلامااااااااااااااااااات يا أم ناصر
فات الكثير وموباقى الا القليل
الله يسهلك ويسهل لاخواتنا الحوامل جميعا
والله قلبي عندكم
يعطيكم العافيه