المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : صبغت شعري وانا مدري اني حامل


**التائهه**
14-12-2005, 12:29 PM
السلام عليكم ورحمة الله وبركاته
والله اني عارفة اني غثيتكم بأسألتي الكثيرة بس وايش اسوي مالي الاالله ثم انتوا
بنات صبغت شعري وانا مادري اني حامل يعني انا اقولكم كانت اخر دورة شهريه لي يوم 27شعبان وانا صبغت شعري يوم 22رمضان وطبعا ماكنت ادري اني حامل وكنت عادي زي كل شهر مستنية الدورة وجلست بعدها باسبوعين ماشرفت وسويت تحليل وطلع حمل
والله ماتتخيلوا قد ايش خفت طبعا لما رحت المستشفى كانت الدكتورة هندية وماتتكلم عربي كثير قلتلها الصبغة تأثر على الجنين
قالت لابس احسها ماهي فاهمة ايش يعني صبغة اصلا
بالله عليكم طمنوني في ناس كثير خوفوني منها اللي عندها سابق تجربة او معلومة عنها تسعفني ولكم جزيل الشكر

e39aaar
14-12-2005, 12:59 PM
حبيبتي عادي مع انه في تحذيرات كثير عن هالشي الا انا كنت ادري اني حامل و رحت اصبغ و نسيت و الله اني حامل و بعد ما صبغت شفت الكل هاج علي
و انا الصراحة كنت ميتة من الرعب
الا اني اتصلت بدكتورتي و خبرتها و قالت لي ما ياثر خاصة انه مرة وحدة بس الكثرة مو زين
يعني في ناس يصبغون كل شهرين و مرة حبيبتي ما تاثر و الله يثبت حملج يااارب

و حبيبتي التائهة اسالي و ما عليج احنا في الخدمة و الا شو لزمة المنتدى (( احنا اهني عشان نفيد و نستفيد ))

أم ايمان
15-12-2005, 10:58 AM
لا تخافين حبيبتي التائهة بنت عمي صبغة شعرها وتدري انها حامل بس ما تدري انها مو زينه للحامل

وجابت ولدها وزين ولا فيه شي

والله يتمم لك على خير

rose2004
16-12-2005, 09:56 PM
بنات انا بعد صبغت شعري بس انا بالشهر التاسع وسالت الكل كان يقول لي عادي بس بداية الاشهر موزين؟

**التائهه**
17-12-2005, 03:48 AM
الله يسعدكم ويهدي سركم وبالكم زي ماطمنتوني والله ماتدرون قد ايش كنت خايفة لانه في وحدة من جماعتنا جابت ولد وطلع الولد مشوه وسمعنا انه السبب انها صبغت شعرها الله يحمينا ويحفظنا ويرزقنا الذرية السليمة والصالحةاكررشكري لكم

سحر الزمان
17-12-2005, 10:55 PM
أنا ماما دائما كانت تصبغ شعرها وماتخلي الصبغة تنزل ولا 1سم ، ماشالله عليها حتى وهي حامل ، وماشالله علينا مافينا شي ، بس هلق ماعبترضى نصبغ شعرنا ، لأنو صار في تحذيرات من الصبغة ،

بس انشالله ما بيصير شي ، وتولدي خلقة كاملة يارب وتقومي بالسلامة ،،

**التائهه**
19-12-2005, 04:32 AM
تسلمي حبيبتي سحر الزمان والله يسمع منك انشالله

e39aaar
25-12-2005, 12:48 AM
حبيبتي التائهة بخصوص صاحبتج سبحان الله السبب الرئيسي لتشوه ابنها مو الصبغة يمكن الموضوع جه صدفة

لينـــا
25-12-2005, 02:23 PM
حطي في بطنج بطيخة صيف جنب الجنين :p

اصلا التشوه ماعتقد انه له خص بصبغة الشعر هذا والله اعلم


عادة يكون السبب وراثي أو خلل جيني ..

رتاج تاج
25-12-2005, 02:34 PM
يااخواتي الصبغه من العوامل المساعده على حدوث التشوه ولكن في فترة التكوين الجنين لكن اختي التائهه انتي صبغت قبل تكوين الجنين كان نطفه
والله اعلم

الورده سوسن
25-12-2005, 02:42 PM
حبيبتي التائهه
زي ما قالوا الأخوات صدقيني الصبغه إن شاء الله ما تأثر
بس الواحد يأخذ إحتياطه
وبعدين أنا شفت سلفتي صبغت وهي في الأشهر الولى من الحمل
وما شاء الله تبارك الله جابت ولد زي القمر
الله يحفظه لها ويجعله من الحافظين للقرآن
إدعي ربك وتوكلي عليه سبحانه
ولا تخلين الهواجس توديك وتجيبك
والله يتمم عليك ويرزقك الذريه السليمه الصالحة بإذنه تعالى

**التائهه**
31-12-2005, 05:26 AM
الله يسعدكم ويجزاكم خير حبيباتي ولايحرمني منكم

jjj
31-12-2005, 05:47 AM
وحدة عملت بيرم مو بس صبغة والحمدلله ما صار شئ..الله يتمم لك على خير انتي وباقي البنات.