المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : هل فقدان الشهية للطعام في الشهر الاولى من الحمل طبيعي..؟


متابع
12-12-2005, 08:41 PM
السلام عليكم ورحمة الله وبركاته ..

لو سمحتوا يااخواتي فالله عندي استفسار بسيط

انا متزوج لي سنه بالضبط والحمد لله والشكر حملت زوجتي وهي الأن في الشهر الثاني لكن مشكلتها ماتأكل شي أبد .. تقول مااقدر اكل تلوع كبدي ..

يعني على مدار اليوم كله ماتأكل الا حبة توست بالجبن وكاس حليب فقط .

سولي يااخوات . هل اللي حاصل لها شي طبيعي ؟ هل مقدار اكلها طبيعي ولا يشكل خطر على الجنين ؟ وبماذا تنصحونني ؟ لأني بصراحه عجزت وانا اقول لها اكلي


والسلام عليكم ورحمة الله وبركاته ..

النورس
12-12-2005, 08:58 PM
عليكم السلام ورحمة الله وبركاته

اخي موضوع انك تقولها كلي ،، هي من نفسها ما راح تشتهي الاكل
لان الحامل في الاشهر الاولى ما تتمنى تاكل ولا تقدر تشم رائحة الاكل
وطبعا تاثيره سلبي عليها وعلى الجنين لانه يسبب ضعف في الدم

ممكن تاخذها تاكل برا البيت كنوع تغيير جو ،، او انك تجيب لها اكل براني يكون نفسها فيه

وان شاءالله ربنا يتمم لها على خير

أغصان
12-12-2005, 11:27 PM
السلام عليكم و رحمة الله
هذا شيء طبيعي لأن الحامل في أيامها الأولى لا تستسيغ الأكل و يشعرها عادة بالغثيان
حاول أن تخرجها قليلا لبعض الزيارات أو الأماكن التي تحبها فربما تفتح لها الشهية للأكل و كنوع من التغير لأن البقاء في المنزل يزيد وحمها سوءا
أسأل الله لك التوفيق

مافي أسامي
13-12-2005, 02:01 AM
اي اخي طبيعي .. انا بالنساه اظعف خمس كيلوات

في حليب ينباع بالصيدليات للحوامل .. اذا شربته فيه كل الفيتامينات والمعادن الي تحتاجها الحامل
يعني مايحتاج تاكل شي زياده .. اسال الصيدلي عنه .. فيه منه نكهات


اذا مالقيته خلها تاخذ حبه واحده من حبوب الفيتامينات والمعادن المنوعه .. بعضهم خاصين للحمل اسال الصيدلي عنها ايضا

ام ليث
13-12-2005, 03:53 AM
شي طبيعي انها تعاف الاكل بس هاذا مو كويس عشانها وعشان البيبي
مثل ما قالو الأخوات طلعها برا اعزمها على مطعم او جيب اكل من برا تحبه واتحمل هادي فترة بسيطة وتعدي
وكمان مثل ما قالت ما في اسامي ممكن تجيب حليب الحامل
انا شخصيا اخدته بعد ما وصفته لي الدكتورة وممكن تشتريه من اي صيدلية وفي نكهات مختلفة وهو معزز بجميع انواع الفيتامينات

السكر كله
13-12-2005, 04:28 AM
اخي حاول تكون جنبه قد ماتقدر

أقل شيء لين تعدي هذي الأشهر00 وبعدين لاتغصبها على شيء ماتبغاه

وكلام الأخوات كله صحيح000 وحاول تساعده شوي عشان صحتها وصحة البيبي00

متابع
13-12-2005, 06:26 AM
مشكوووووووووورين على الرد جميع والله ينولكم ماتريدون

وانشاء الله اطبق مااقترحتوه ولو اني مطبقه بعض الشي

ماقصرتوا والسلام عليكم جميعاً ..

المحمدية
13-12-2005, 07:29 AM
أنصحك أخوي انك تسألها شنو تشتهي ، أنا لما كنت في بداية الحمل .. ما أحب آكل الا الشيء اللي في خاطري..

قول لها ما تحبين تاكلين شيء حبيبتي ؟ شنو أجيب لك ؟ و شوف اللي تحبه حتى لو كان لبن العصفور ؟؟!!!

هههههههه

عبير الحب
13-12-2005, 12:45 PM
سبحان الله انته نفس زوجي بس هو يزعجني اكلي اكلي مب زين مب زين تعبت من الكلام...وفهمته انه الحامل بالشهور الاولى ما تتقبل الطعام ....

بس انا كنت مثل حالة زوجتك يمر اليوم كامل بدون اكل بس اشرب شاي الصبح وكله ماي ماي ماي

وعقب كنت خايفة عالجنين فشجعت نفسي

وقمت اكل سندويش جبنه مع شاي باالحليب....وشوي شوي راح تتقبل زوجتك الطعام وماراح يكون له تاثير سلبي مثل ماتتوقع

خلها تاكل فواكه البرتقال والتفاح وااايد زين حقها

والله يثبت حملها وحملنا جميعا يااااااااااااااااااااااااااااااااااااااااااااااااا اااارب

e39aaar
13-12-2005, 01:38 PM
عزيزي الله يثبت حمل زوجتك و يخليها لك
انا الصراحة من قريت العنوان قلت مسكين و يوم شفت شو الموضوع رديت و قلت الله يعينها
عزيزي الحامل مرات تحس بغثيان فظيع بس تتذكر الاكل
و انا في حملي الاولي كذيه بس كنت ما احب اكلي و ما احب اللحم بشكل عام بس كنت احب اكل المطاعم و مسكين زوجي كان كل يوم يوديني برا

أم منيرة
19-12-2005, 04:28 PM
والله كنت قلقة على نفسي كثير.. لأنني نفس الشئ ما قادرة آكل شيئ وخاصة اللحوم.. وزوجي مسكين يحاول يدخل المطبخ ويشوي لي الدجاج أو اللحم.. لكن مافيش فايدة .. دائما أحس إني متلوعة.. وخاصة أكل المطاعم ما أطيقها.. علما أنا في الأسبوع الثامن.. أتمنى تتعدى هالمرحلة بسرعة..