المساعد الشخصي الرقمي

إعلانات : طبيبي | طبيبي | طبيبي | طبيبي | مشاهدة النسخة كاملة : الم اسفل الظهر )من فضلك يادكتور استشارة


lol
02-04-2012, 10:09 PM
مرحبا بكم اطباء
بعد التحية الشكر على مساعدة الاخرين

كنت امارس رياضة الجرى ..وفجأة لفت رجلى واصبت بقطع فى غضروف الركبة عملت منظار استئصال جزئى من غضروف الركبة الداخلى ... وبعدها عملت علاج طبيعى والتأهيل..واثناء فترة التأهيل حصلى لى الم فى اسفل الظهر عملت اشعة اكس راى على الفقرات القطنية تبين ان عندى زحزحة فى الفقرة القطنية الخامسة ... وطلب منى الطبيب عمل رنين مغناطسيى عملت الرنين طلع عندى انزلاق غضروفى نفس الفقرة الخامسة l5-s1 المشكلة الان ان الالم فى ظهرى

والدكاترة محيرنى واحد يقولى اعمل عملية تثبيت فقرات ب 4 مسامير ويشيل الغضروف
والتانى يقولى تعايش بيه
ودكتور العلاج الطبيعى يقولى انت كويس مفكش حاجة انا اعرف ناس عندهم انزلاق من 25 سنة ومتعايشين بيه بيوقلى تفرق بين جسم لاخر
انا محتار يادكتور ونفسيتى تعبانة كل واحد يقولى حاجة اصدق مين ولا اعمل اية ومش عايز الالم دة يكون عندى عايز يروح نهائى---------------------------------------------------


على فكرة يادكتور الدكاترة كلهم بيقولو ان زحزحة الفقرة قديمة ..واحد قالى انت مخلوق بيها...والتانى قالى انت اتخبط وانت صغير ... المهم تبين انها قديمة من الاشعة

lol
02-04-2012, 10:16 PM
ودى الاشعات يادكتور

اشعة x-ray

http://imageshack.us/photo/my-images/821/61163619.jpg/

http://imageshack.us/f/834/78591197.jpg/

تقرير اشعة الرنين mri

http://imageshack.us/photo/my-images/824/87893509.jpg/

د.جريس
03-04-2012, 06:17 PM
حسب ما يتبين في الصور الشعاعية والتقريق المرافق للرنين : تدل على أن قمية الإنزلاق الفقري بسيطة .
إذن : إذا كانت الآلام المرافقة محتكلة ,. ويمكن جنبها بالوقاية . فلا داعي للعمل الجراحي
أما إذنا هناك آلام حادة , وإضطرابات عصبية تظهر على إمتداد الرجل والعصب الوركي ,. فلابد من العمل الجراحي .
أنصحك بما يلي :
المحافظة على الوزن المثالي .
الإبتعاد عن جميع الوضعيات والحركات التي تؤدي لظهر الألم : من قرفصاء, جثو , الجلسة العربية , الشد , الدفع , الحمل .الخ
وكما أنصحك بمراجعة المعالج الطبيعي المختص لإجراء جلسات تدفئة المنطقة الفطنية العجزية ثم عملية الشد ( الإطارة بواسطة أثقال = 10% من وزن الجسم لـ 20 قيقة كل يوم - 15 يوما )
وأنصحك بما يلي :
الوضعيات الضرورية أثناء الألام القطنية

النوم على الظهر , الركبتان مثنيتان بحيث يشكل الساق مع الفخذ حوالي الـ 90 ْ , مع ثبات راحتي القدمين على الأرض .


النوم على الظهر , الساق يشكل مع الفخذ مايقارب الـ 90 ْ , وكذلك الفخذ مع إمتداد الجسم ( الجذع ) , بمساعدة عدة وسائد أو كرسي صغير مناسب تحت الساقين .


النوم على الجانبي ( الأيمن أو الأيسر ) مع ثني الركبتين كما سبق ووضع وسادة بين الركبتين على إمتداد الساقين بسماكة مناسبة .


الجلوس على كرسي ذ و مسند خلفي ( يشكل هذا المسند مع الكرسي 100- 110 ْ ) بحيث تلامس المنطقة القطنية المسند بشكل ٍ كامل , يشكل الجذع مع الفخذين 90 ْ وكذلك الفخذين مع الساقين , يمكن وضع وسادة طرية مناسبة خلف المنطقة القطنية وذلك عند الحاجة .

التناوب في الأوضاع السابقة الذكر من 10 – 15 د. لعدة مرات في اليوم وذلك حسب الحاجة.

من الضروري إستخدام المرحاض الإفرنجي .


الإبتعاد عن حمل الأشياء الثقيلة .


لحمل أي شئ عن الأرض يجب أن يكون على الشكل التالي : ثني الركبتين كاملا ً ثم أخذ الغرض بكلتا اليدين وأن يكون أقرب مايمكن للجسم ( للتلاصق من الجسم ) ثم مد الركبتين .


عدم التعرض للتيارات الهوائية ( بشكل ٍ خاص الكونديشن ).


عدم الجلوس بشكل ( التربيع ) الجلسة العربية
د.جريس كنهوش - إخصائي في العلاج الطبيعي - رومانيا

lol
03-04-2012, 08:41 PM
تمام يادكتور انا الحمد الله الالم مش بيسمع فى رجلى ولا فى اطراف الرجل ولا الورك مرة واحدة بس حصلت فى البرد الجو كان بارد اوى وسمع فى رجلى الاتنين وحرقان فى الحوض وبعد كدة مجتش تانى والحمد الله

ولكن فى مشكلة واحدة ان العضلة الخلفية والعضلة الامامية فى الرجل الشمال ضعفت عن الرجل الاخرى اليمين والضعف طلع لحد فوق على كتفى وايدى الشمال... يعنى من الاخر نصفى الشمال ضعف فجأة
عملت اشعة رنين على الفقرات العنقية وطلعت سليمة الحمد الله... تفتكر الضعف دة من اية يادكتور
على فكرة يادكتور الضعف دة جالى بعد قطع غضروف الركبة الشمال ابتدى ضغف العضلات يبدأ من اول الفخدة الى فوق

...

وهل فعلا الزحزحة قديمة زى ماقالو الداكاترة ...

... وعندى سؤال لو سمحت الدكاترة قالو كدة كدة هتعمل العملية لو مش دلوقتى يبقا بعدين...هل هذا الكلام صحيح ...

ولا هما بيقولو كلام وخلاص عشان يقبضو تمن العملية ...

وهل انا اقد اتعايش با الزحزحة طول عمرى انا عمرى الان 24 عاما ..وهل لها تأثير على الزواج
انا مثلا قبلت راجل فوق ال 50 كان عنده الزحزحة وهو فى ال 20 وبيقولى متعايش بيها لحد الان
----------
معلش يادكتور اسف على المطاولة .... لو تقدر بس تشرحلى تقرير الرنين بظبط .. زى ماحضرتك شايفه
لو تكرمت

د.جريس
04-04-2012, 04:56 PM
قلت لك أعلاه , كل حالة لها مواصفاتها ومضاعفاتها , لكن ارجو مراعاة ما نصحتك به , وإنشاء الله سوف تكون أمورك بخير , لا يؤثر ذلك على الزواج أبدا .
إذن أنت تقول بأنك تشعر بضعف في الطرف الأيسر كامل ( أطراف سفلية وعلويه )
هل تشعر بصداع ؟
هل تشعر بإضطراب في العين اليسرى ؟

lol
04-04-2012, 07:20 PM
هل تشعر بصداع ؟
احيانا ولكن مش كثير
هل تشعر بإضطراب في العين اليسرى ؟
احيانا ايضا
ومرة جالى رعشة فى ايدى الشمال مع تنميل بس خد وقته وراح
مع انى عملت رنين على الرقبة وطلع سليم مش فيه حاجة
دة ممكن يكون من اية

د.جريس
05-04-2012, 06:53 PM
أقترح أن تراجعي طبيب مختص عصبية . لإجراء الفحوص اللازمة . لكي نتوصل للتشخيص الأكيد

lol
11-04-2012, 07:28 AM
شكرا لك دكتور على المساعدة
انا فعلا ذهبت الى الدكتور كما نصحتنى وكشف عليا
وقال لى انك عندك ضعف فى العضلات النصف الشمال والضعف وقف على مستوى معين مش ضعف اكتر من كدة ..
وكشف على ظهرى وعلى رجلى وعلى ايدى وعلى اعصابى كلها واختبر اعصابى والحمد الله قالى اعصابك كويسة مش فيها حاجة وعملت رسم عصب طلع طبيعى ... وورتله اشعة على الفقرات العنقة والصدرية والفقرات القطنية ...وقالى ان الفقرات العنقية والصدرية طبيعية والحمد الله اما القطنية فى مشكلة ان الفقرة القطنية الخامسة مزحزحة على العجزية الاولى وطغطة على العصب درجة بسيطة وهو دة سبب ضعف العضلة الخلفية والامامية وعضلة الساعد والفخدة.. مع قطع غضروف الركبة سبب تانى فى ضعف عضلة القدم اليسرى وخاصة الفخد... وباقى الامور طبيعية قلتله زحزحة الفقرة سببها اية قالى انت مولود بيها عيب خلقى او اتخبط وانت صغير المهم انها قديمة ..وقلتله فى انزلاق غضروفى قالى لا مافيش انزلاق غضروفى قالى اساسا ان الغضروف فى الفقرة الخامسة القطنية والاولى عجزية انكمش باين انه كان مطغوط من سنين كتيرة فاتو .. ولو عملت جراحة دلوقتى هيشيلو الغضروف لانه ملهوش لازمة ويثبتو الفقرة بشرايح ومسامير ... وقالى ان العملية دى خطرة عليك لأنك شاب ولو عملتها مش هترجع طبيعى ...

وصفلى العلاج الأتى
علاج طبيعى عشان اقوى عضلاتى خاصة عضلات القطنية وباخد فيتامين ب 12 بس


....

وان دلوقتى بعمل علاج طبيعى على ظهرى ودكتور العلاج الطبيعى بيعملى تنس كهرباء ..بيقولى عشان يقوى العصب ..اية رأيك فى كلامه ودكتور المخ والاعصاب قالى بلاش هز قصده كهرباء عشان الزحزحة ..ولما قلت لدكتور العلاج الطبيعى كدة قالى انا بعملك كهربا عشان اقوى العصب ..

حضرتك دلوقتى متفق مع الكهرباء ولا امنعها ما رأيك انا محتار بين الدكتورين
مع العلم انا بعمل تمارين الجزء العلوى والجزء السفلى

سؤال يادكتور ...
اية رايك فى التشخيص ؟
وانا اقدر اتعايش با الزحزحة طول عمرى ولا لأ من وجهة نظرك

د.جريس
11-04-2012, 03:51 PM
أرى العلاج الطبيعي هو أساسي في العلاج .
لكن : هناك علاجات فيزيائية ( تيارات , أمواج , ) متعدده , ولا أعرف بالضبط ما هي تلك التي يطبقها المعالج الطبيعي . ليتك تسأله وتكتب لي إسمها .
المساج لابأس به ,
أنصحك بالسباحة على الظهر مسافة تحددها أنت بحيث عندما تشعر ببداية التعب أن تستريح .
أما الزحزحة؟؟؟؟؟ كما تذكرها وكما عرفت من رأي الطبيب بأنها قديمة جدا , لذلك يمكن أن تتكيف معها , إلا في حال عدم تحمل الألم أو ظهور أضطرابات أخرى آنذاك لابد من العمل الجراحي.( الوقاية أفضل من الأعمال المجهده (

lol
11-04-2012, 06:19 PM
انا همارس السباحة بس كمان شهر ولا حاجة اقوى عضلاتى شوية من العلاج الطبيعى وبعدين ادخل على السباحة .... اما علاج ال ( تيارات , أمواج , ) هسأل فيها وهناقش فيها الدكتور

شكرا لك على المساعدة

lol
12-04-2012, 02:48 AM
انا عرفت العلاج الامواج ... هو عبارة عن جهاز اسمه الترا سونيك ..ويمشى عكس عقارب الساعة على المكان المصاب وبيشيل الالتهابات وهو بصراحة بيجيب نتيجة تحسن .. وملهوش اى اثار سلبية

د.جريس
12-04-2012, 02:47 PM
lol : العلاجات بالتيارات كثيرة ومتنوعة , وتشمل مجموعة كبيرة ليست فقط هي الأمواج الفوق الصوتية .
أعيد وأكرر بأن السباحة(وليس الجلوس في الماء) في حالتك مفيدة جدا .

lol
12-04-2012, 09:09 PM
شكرا لك دكتور على النصيحة

lol
13-04-2012, 03:49 AM
با النسبة دكتور عندى سؤال...لو سمحت لانى محتار
انا بلعب حديد لتقوية العضلات القدم على الاجهزة التالية :
جهاز حديد تقوية العضلات الامامية
وجاهز تقوية العضلات الخلفية
وجهاز تقوية العضلات الجانبية
وجهاز دفع العضلات
كل دة بلعبه الرفع با القدم مش با ايدى
...دة ممكن يكون له تأثير على الفقرة ...

اية رايك

د.جريس
13-04-2012, 01:34 PM
بدون أي شك , له تأثيرات كبيرة على الفقرات .

lol
13-04-2012, 09:47 PM
يعنى ممكن ياخر الحالة مش يقدمها ...صح

lol
14-04-2012, 10:03 PM
يعنى لو لعبت الاجهزة دى ...هيكون ليهات أثير سلبى ولا ايجابى
فى واحد بيقولى بيقوى عضلات الظهر
اية رايك

د.جريس
15-04-2012, 09:39 AM
طبعا سلبي , التمرينات الحرة : قد لا تؤثر سلبيا لو مارستها بعناية وحدود ظهور الألم.

lol
18-04-2012, 03:23 PM
شكرا لك على النصيحة
لو لبست الحزام ساند الفقرات لفترة طويلة ممكن ياثر على العضلات

د.جريس
18-04-2012, 03:48 PM
الحزام الطبي , الكورسيت , لا أنصح به أبدا , فهو عامل أساسي في ضمور العضلات . لكن للضرورة , أي في العمل ,. وليس في ممارسة التمرينات , يمكن ذلك , ويجب نزعه عند الإنتهاه مكن العمل فورا .
على كل الأحوال لا أحبذ هذا النوع من الوقاية , أوالعلاج , وخاصة في مرحلة الشباب.

lol
19-04-2012, 09:35 AM
شكرا لك دكتور
بجد انا مش عارف اقولك اية ربنا يجعلها فى ميزان حسناتك يارب
اخر متوصلت اليه انى روحت للدكتور وقالى انك لازم تعمل العملية تثبيت الفقرات دلوقتى وحالا..بس من طريقة كلامه انه كان دكتور تاجر مش دكتور معالج لانه قالى العملية هتكلف 10 الاف جنيه بس وهجبلك مسامير المانى وقفص المانى مش زى اللى فى السوق شرايح ومسامير صينى .وبيقولى هتعمل العملية وكمان 3 شهور هترجع طبيعى وتلعب كورة وتشيل تقيل وتوطى وتمارس حياتك طبيعى . وهنا ارخص مكان ممكن تعمل فيه العملية .. وغير كدة كان فى مندوب شركة ادوية دخله وانا قاعد بيقوله المنتج دة مش ماشى فى السوق يادكتور عايزك توصفه للمرضى عشان الشركة حالها واقف.. واداله عينات قدام عينى هدية يعنى زى متقول رشوة ...حسبى الله ونعم الوكيل فى الناس دى
وبيقولى الزحزحة هتزيد معك مع العمر ...لولا الناس ولاد الحلال اللى مثلك يادكتور كان زمانا دلوقتى فى مشاكل هنوجهها طول العمر
وعلى فكرة هو اللى خلانى البس الحزام ساند الفقرات ومن يوم ملبسته حسيت ان العضل عندى بدأ يعضف(يضمر ) عشان كدة سالتك وتأكدت
انا خلاص معدش رايح لدكاترة ومش متابع مع دكاترة انا هعالج نفسى بنفسى وربنا معايا
--------------------

lol
19-04-2012, 09:38 AM
انا حاسس انك خفيت بنسبة 40 فى المية بعد برامج مشيت عليها الفترة دى .. زى العلاج الطبيعى والتمارين والتدليك
اللى انا ماشى عليه دلوقتى

تمارين تقوية عضلات القطنية .والبطن .. وتمارين تقوية عضلات الفخد والسمانة
وقريب ان شاء الله هبتدأ العب سباحة
وبعمل كل يوم كمدات مياه دافئة قبل النوم
وباخد فيتامين ب 12

وشكرا ليك كتيييييييير يادكتور ...ولو حضرتك عند نصيحة عايز تقولها ليا انا هنفذها ..لانى واثق فى قدراتك

د.جريس
19-04-2012, 06:52 PM
السباحة رياضة بدنية طبية شاملة للجهاز الحركي , أرجو ممارستها قبل الدخول في ممارشة الكره على الأقل إسبوعين .
عند الدخول في ممارسة الكرة أرجو ان تتذكر:
1-الإحماء العام للجسم
2-الإحماء الخاص لبعض الأعضاء لممارسة الكره.
3-الحمام بعد إنتهاء التمرين يجب أن يكون بعد عودة الجسم لحالته الطبيعية .
4- إنتقاء الفرشة الطبية الحديثة للنوم+ إنتقاء وسادة مناسبة طبية كذلك. تجدها في الصديليات الخاصة ببيع الأدوات الطبية.
أتمنى لك الشفاء .

lol
19-04-2012, 07:26 PM
.دكتور انا الحمد الله الالم راح ومش فى الم فى الساق والتنميل راح الحمد الله
بس فى مشكلة بسيطة انا سعات بحس ان فى شكة فى اسفل الظهر يعنى بحس ان فى دبوس بيشكنى من الداخل مش عارف دة اية وبيظهر لما اميل براسى الى الاسفل احس بيها ولما ادوس برجلى الشمال على الارض اما برجلى اليمين بتكون طبيعية ومش بحس بيها احس بيها ايضا ولما اقعد على الكرسى (دة ممكن يكون من اية ..دة ممكن يكون بسب ضعف العضلات ...مع العلم ان عضلات الجزء الشمال ضعيف

وسؤال تانى
ما المقصود (ممارسة الكرة )
اسف دكتور انا طولت عليك
شكرا

د.جريس
20-04-2012, 03:36 PM
الكرة , أي يمكن أن تلعب كرة القدم مثلا , أو أن تمارس التمرينات البدنية كذلك .
يجب مراجعة الطبيب المختص عظمية لكي يعيد الفحوص السريرية , وبذلك يمكن التأكد مما تشعر .

وظني فيك ياربي جميل
09-06-2012, 04:01 PM
اتفق مع الدكتور ومن تجربة رياضه السباحه من افضل انواع العلاج للام الظهر